ఎల్బీనగర్, మే 11: ఎన్నికల క్రతువులో పోలింగ్ సభ్యులదే కీలక బాధ్యత అని పోలింగ్ ఆరంభం నుంచి ముగిసే వరకు కేంద్రాల వద్ద ఉండాలని ఎల్బీనగర్ ఎమ్మెల్యే దేవిరెడ్డి సుధీర్రెడ్డి సూచించారు. నాగోలు ఈవెంట్ విల్లా ఫంక్షన్ హాల్లో నాగోలు, కొత్తపేట, చైతన్యపురి, గడ్డిఅన్నారం డివిజన్ల బూత్ కమిటీ సభ్యుల సమావేశంలో, కొత్తకాపు యాదవరెడ్డి గార్డెన్స్లో శనివారం జరిగిన లింగోజిగూడ, చంపాపేట, హస్తినాపురం డివిజన్ల బూత్ కమిటీ సభ్యుల సమావేశంలో ఎమ్మెల్యే దేవిరెడ్డి సుధీర్రెడ్డి, ఎమ్మెల్సీ బొగ్గారపు దయానంద్ గుప్తాతో కలిసి పాల్గొన్నారు. ఈ సందర్భంగా ఎమ్మెల్యే సుధీర్రెడ్డి మాట్లాడుతూ మల్కాజిగిరి పార్లమెంటు స్థానంలో బీఆర్ఎస్ అభ్యర్థి రాగిడి లక్ష్మారెడ్డి ఘన విజయం ఖాయమన్నారు.
రాష్ర్టాన్ని అన్ని రంగాల్లో కేసీఆర్ ముందుంచారన్నారు. ఎమ్మెల్సీ బొగ్గారపు దయానంద్ గుప్తా మాట్లాడుతూ మల్కాజిగిరి పార్లమెంటు బరిలో నిల్చిన స్థానిక నేత బీఆర్ఎస్ అభ్యర్థి రాగిడి లక్ష్మారెడ్డిని భారీ మెజార్టీతో గెలిపించాలన్నారు. కార్యక్రమంలో నాగోలు డివిజన్ మాజీ కార్పొరేటర్ చెరుకు సంగీత ప్రశాంత్ గౌడ్, అనంతుల రాజారెడ్డి, గజ్జల మధుసూదన్రెడ్డి, కొత్తపేట డివిజన్ మాజీ కార్పొరేటర్ సాగర్రెడ్డి, అధ్యక్షుడు రాహుల్ గౌడ్, లింగోజిగూడ డివిజన్ బీఆర్ఎస్ అధ్యక్షుడు వర ప్రసాద్రెడ్డి, చైతన్యపురి డివిజన్ మాజీ కార్పొరేటర్ విఠల్రెడ్డి తదితరులు పాల్గొన్నారు.