కాచిగూడ, నవంబర్ 6 : అంబర్పేట ప్రజలు కేంద్ర మంత్రి కిషన్రెడ్డిని మరోసారి ఒడిస్తారన్న భయంతోనే అసెంబ్లీ ఎన్నికల్లో అంబర్పేట నుంచి తప్పుకున్నారని అంబర్పేట ఎమ్మెల్యే కాలేరు వెంకటేశ్ అన్నారు. బీఆర్ఎస్ మహిళా నాయకురాలు మాడిశెట్టి ప్రతిభ ఆధ్వర్యంలో ఆదివారం రాత్రి వివిధ పార్టీలకు చెందిన 210మంది ఎమ్మెల్యే కాలేరు వెంకటేశ్ సమక్షంలో బీఆర్ఎస్ పార్టీలో చేరారు. వారికి ఎమ్మెల్యే గులాబీ కండువా కప్పి పార్టీలోకి ఆహ్వానించారు. ఈ సందర్బంగా ఎమ్మెల్యే కాలేరు వెంకటేశ్ మాట్లాడుతూ దేశంలో ఎక్కడా లేనివిధంగా తెలంగాణలో అనేక సంక్షేమ పథకాలు అమలు కావడంతో ప్రజలు బీఆర్ఎస్ పార్టీని ఆదరిస్తున్నారన్నారు. తెలంగాణ ప్రభుత్వం చేపడుతున్న సంక్షేమ పథకాలను గడప గడపకు వివరించాలని కార్యకర్తలకు ఎమ్మెల్యే పిలుపునిచ్చారు. ఈ కార్యక్రమంలో బి.వెంకట్రెడ్డి, మాజీ కార్పొరేటర్ రాంచందర్రాజు, ఎర్ర భీష్మాదేవ్, బి.కృష్ణాగౌడ్, జంగాల అనిల్యాదవ్, తదితరులు పాల్గొన్నారు.