సిటీబ్యూరో, డిసెంబర్ 3 (నమస్తే తెలంగాణ ) : గ్రేటర్లో జనసేనకు నిరాశే ఎదురైంది. తెలంగాణ అసెంబ్లీ ఎన్నికల్లో బీజేపీ-జనసేనలు కలిసి పనిచేశాయి. అందులో భాగంగా జనసేన పలు నియోజకవర్గాల్లో పోటీలో నిలిచింది. కాగా గ్రేటర్లో కూకట్పల్లి స్థానంలో జనసేన అభ్యర్థిగా ముమ్మారెడ్డి ప్రేమకుమార్ను బరిలో నిలిపింది. ఆ పార్టీ అధినేత పవన్ కల్యాణ్ ఎన్నికల ప్రచారంలో పాల్గొని బీజేపీ-జనసేనను గెలిపించాలని ప్రజలను కోరారు. కానీ కూకట్పల్లిలో ఆ పార్టికి చేదు అనుభవం ఎదురైంది. మూడో స్థానానికే పరిమితమైంది.
కూకట్పల్లిలో బీఆర్ఎస్ అభ్యర్థి మాధవరం కృష్ణారావు 70వేలకు పైగా మెజార్టీతో గెలుపొందారు. రెండో స్థానంలో కాంగ్రెస్ అభ్యర్థి బండి రమేశ్ కాగా, మూడో స్థానంలో ప్రేమకుమార్ నిలిచారు. జనసేనకు కేవలం 39వేల ఓట్లు మాత్రమే వచ్చాయి. కాగా ఈ స్థానం ఓడిపోయినప్పటికీ బీజేపీ అధ్యక్షుడు కిషన్ రెడ్డి జనసేనతో బీజేపీకి నష్టమేమి జరగలేదని.. పార్లమెంట్ ఎన్నికలకు సిద్ధమవుతామని చెప్పడం విశేషం.