గ్రేటర్వ్యాప్తంగా పలు ప్రాంతాల్లో శుక్రవారం అంతర్జాతీయ యోగా దినోత్సవాన్ని ఘనంగా నిర్వహించారు. ప్రజాప్రతినిధులు, ప్రముఖులు, సామాన్యులు ఆసనాలు వేసి.. యోగా దినోత్సవ విశిష్టతను చాటారు. నెక్లెస్రోడ్లోని సంజీవయ్య పార్కులో తెలంగాణ ప్రభుత్వ ఆయుష్ ఆధ్వర్యంలో నిర్వహించిన
యోగా డే వేడుకల్లో రాష్ట్ర ఆరోగ్య శాఖ మంత్రి దామోదర రాజనరసింహ,
ఆరోగ్య శాఖ కార్యదర్శి క్రిస్టినా చొంగ్తు, ఆయుష్ డైరెక్టర్ ప్రశాంతి, డిప్యూటీ మేయర్ శ్రీలతారెడ్డి, నటి కౌముది, కార్పొరేటర్ సుచిత్ర, ఐఎన్టీయూసీ రాష్ట్ర సీనియర్ కాంగ్రెస్ నేత మోతె శోభన్రెడ్డి పాల్గొని ఆసనాలు చేశారు.