అబిడ్స్, జూలై 13: నగరం నడి బొడ్డున 2008వ సంవత్సరంలో స్థాపించిన స్టాన్లీ మహిళా ఇంజనీరింగ్ కళాశాలకు రోజు, రోజుకు ఆదరణ పెరుగుతోంది. 2018వ సంవత్సరంలో ఎన్బీఏ అక్రిడిటేషన్ను పొందగా, 2019 లో న్యాక్, 2021 కళాశాలకు స్వయం ప్రతిపత్తి హోదా లభించి నగరంలో ప్రఖ్యాత కళాశాల స్థాయిలో నిలిచింది. అంతే కాకుండా ఉత్తమ మహిళా ఇంజనీరింగ్ కళాశాలగా ఐఎస్టీఈ నుంచి జాతీయ అవార్డును సొంతం చేసుకుంది. కళాశాలలో విద్యను అభ్యసించిన విద్యార్థినులు ఇంజనీరింగ్ పూర్తి చేసుకుని ఉద్యోగాలను సాధించి ఉన్నతంగా స్థిరపడుతున్నారు. నగరంలోని అబిడ్స్ చాపెల్ రోడ్డులో ఏర్పాటైన కళాశాల విద్యార్థులు యూనివర్శిటీ ర్యాంకులు సాధించడమే కాకుండా మంచి ఉత్తీర్ణతా శా తాన్ని పొందుతున్నారు.
ప్రతి సంవత్సరం విదేశాలకు చెందిన కార్పొరేట్ కంపెనీలు కళాశాలలో నిర్వహించే క్యాంపస్ రిక్రూట్మెంట్ డ్రైవ్లలో విద్యార్థులు పాల్గొని ఉద్యోగాలను సాధిస్తున్నారు. ఈ కళాశాలలో చదివిన విద్యార్థులు అత్యధిక ప్యాకేజీల కింద ఉద్యోగాలు సాధించారంటే అతిశయోక్తి కాదు. సుహృద్భావ వాతావరణం, సువిశాలమైన స్థలంలో ఈ కళాశాలను స్థాపించడంతో పాటు విశాలమైన తరగతి గదులు, విశాలమైన లైబ్రరీ హాల్, అత్యాధునిక డిజిటల్ లైబ్రరీ సదుపాయాన్ని కల్పించడంతోపాటు మంచి కంప్యూటర్ ల్యాబ్లో విద్యను అందించే విధంగా కళాశాల యాజమాన్యం ఏర్పాట్లు చేపట్టింది. ఉస్మానియా యూనివర్శిటీ అనుబంధంతో స్థాపించిన ఈ కళాశాలలో విద్యనభ్యసించిన విద్యార్థులు వేలాది మంది దేశ, విదేశాలలో స్థిర పడ్డారు. కళాశాల కరెస్పాండెంట్ కె.కృష్ణారావు ప్రత్యేక చొరవ తీసుకుని ఎంతో పరిణతి పొందిన ప్రొఫెసర్లు, ఫ్యాకల్టీ ద్వారా విద్యార్థులకు విద్యా బోధన చేయించడంతో పాటు వారు ఇంజనీరింగ్ పూర్తయ్యే లోపు ఉద్యోగాన్ని సాధించేలా తీర్చిదిద్దుతున్నారు.
క్యాంపస్ రిక్రూట్మెంట్.. కంపెనీలు…
స్టాన్లీ మహిళా ఇంజనీరింగ్ కళాశాలలో ప్రతి సంవత్సరం దేశ, విదేశాలకు చెందిన కంపెనీలు క్యాంపస్ రిక్రూట్మెంట్ నిర్వహిస్తున్నాయి. టెక్ మహీంద్రా, అమెజాన్, హెచ్సీఎల్, మ్యు సిగ్మా, హెచ్పీఈ, పబ్లిసిస్ సపియెంట్, ఇంటెల్, ప్లిప్కార్ట్, ఎక్స్పీరియన్, సేల్స్ ఫోర్స్, సిలికాన్ ల్యాబ్స్, ఎస్ఏపీ, బ్లూ సీ ఇండస్ట్రీస్, జీనోసిస్, విప్రో, ఐబీఎం, హిందుస్థాన్ గ్లోబల్, ఓస్మాసిస్, నెట్లిక్సిర్, ఐసీఐసీఐ, జెన్ ప్యాక్ట్ కంపెనీలు క్యాంపస్ రిక్రూట్మెంట్ నిర్వహించి విద్యార్థులను ఎంపిక చేస్తోంది. ఓ విద్యార్థిని అత్యధికంగా రూ.30 లక్షల ప్యాకేజీకి ఎంపికయ్యింది. మరో విద్యార్థిని రూ.22 లక్షలు, ఇలా విద్యార్థులు పెద్ద మొత్తం ప్యాకేజీలతో ఉద్యోగాలను సాధించారు.
ఇక్కడ చదివిన వారికి ఉద్యోగం పక్కా..
అబిడ్స్ చాపెల్ రోడ్లోని స్టాన్లీ మహిళా ఇంజనీరింగ్ కళాశాలలో సీటు దొరికిందంటే ఉద్యోగం పక్కా.. అనే విధంగా విద్యార్థులు ఇక్కడ చదువుకునేందుకు ఆసక్తి చూపుతున్నారు. 2008వ సంవత్సరంలో ప్రారంభమైన ఈ కళాశాలలో ప్రతి సంవత్సరం విద్యార్థులు క్యాంపస్ రిక్రూట్మెంట్ డ్రైవ్ ద్వారా ఉద్యోగాలను సాధిస్తున్నారు. ప్రతి సంవత్సరం వందలాది మంది విద్యార్థినులు ఉద్యోగాలను సాధిస్తున్నారు. దేశ, విదేశాలకు చెందిన కార్పొరేట్ సాఫ్ట్వేర్ కంపెనీలు ఈ కళాశాలలో ప్రత్యేకంగా క్యాంపస్ రిక్రూట్మెంట్ను నిర్వహించి విద్యార్థులను ఉద్యోగాలకు ఎంపిక చేస్తున్నారు. ఆయా ఉద్యోగాలకు ఎంపికైన వారు అత్యధికంగా 30 లక్షల ప్యాకేజీకి వెళ్లడం గమనార్హం. వంద శాతం ప్లేస్మెంట్ కల్పించేందుకు యాజమాన్యం కృషి చేస్తూ వస్తోంది. ఇందులో భాగంగా సీఆర్టీ తరగతులను నిర్వహించి విద్యార్థులు క్యాంపస్ రిక్రూట్మెంట్లో ఉద్యోగం సాధించేలా ప్రొఫెసర్లు తీర్చిదిద్దుతున్నారు.
రూ.30 లక్షల ప్యాకేజీతో ఉద్యోగాన్ని సాధించా..
స్టాన్లీ మహిళా ఇంజనీరింగ్ కళాశాలలో సీఎస్ఈ కోర్సులో చేరి కష్టపడి చదువుకున్నాను. ప్రొఫెసర్లు, ఫ్యాకల్టీ ప్రోత్సాహంతో మ్యు సిగ్మాలో సాలీనా ఏడాదికి రూ.ముప్పై లక్షల ప్యాకేజీతో ఉద్యోగాన్ని సాధించాను. తనకు ఇంజనీరింగ్ విద్యాబోధనతో పాటు సీఆర్టీ తరగతులను నిర్వహించి క్యాంపస్ రిక్రూట్మెంట్ డ్రైవ్లో నిర్వహించే పరీక్షలో సునాయాసంగా పాసయ్యేలా ప్రొఫెసర్లు తీర్చిదిద్దారు. అంతే కాకుండా, నగరం నడిబొడ్డున కళాశాల ఉండగంతో గంటల తరబడి ప్రయాణం చేసే అవసరం లేకుండా సమయానికి కళాశాలకు చేరుకునే వారం. -శ్రీయ నిట్టూర్కర్
మా కళాశాలలో.. ఉద్యోగాలు పొందేలా పరిణతి కల్పిస్తున్నాం
మహిళలను శక్తివంతం చేసి ప్రపంచాన్ని సుసంపన్నం చేయాలని మహిళా ఇంజనీరింగ్ కళాశాలను స్థాపించాం. మా కళాశాలలో విద్యార్థులు ఉద్యోగాలు పొందేలా పరిణతి కల్పిస్తున్నాం. వారికి సీఆర్టీ తరగతులను నిర్వహించడంతో పాటు కంపెనీల వారు నిర్వహించే పరీక్షలలో సునాయాసంగా నెగ్గేలా మా కళాశాల ప్రొఫెసర్ల ద్వారా చర్యలు తీసుకుంటున్నాం. నగరం నడి బొడ్డున ఉన్న మా కళాశాలలో విద్యనభ్యసించి అత్యధిక ప్యాకేజీ కింద విద్యార్థినులు క్యాంపస్ రిక్రూట్మెంట్ ద్వారా ఎంపికయ్యారు. తమ కళాశాలలో చేరిన విద్యార్థులకు అన్ని రకాల సదుపాయాలను కల్పిస్తున్నాం. సువిశాలమైన స్థలంలో ఏర్పాటైన కళాశాలలో విశాలమైన తరగతి గదులు, అత్యాధునిక కంప్యూటర్ ల్యాబ్లు, వేలాది పుస్తకాలతో లైబ్రరీ సదుపాయాన్ని కల్పించాం. దీంతో పాటు కాన్ఫరెన్స్ హాల్లో పలు సమావేశాలు నిర్వహిస్తున్నాం.
– కె.కృష్ణారావు, కరస్పాండెంట్, స్టాన్లీ ఇంజనీరింగ్ కళాశాల
రూ.17.5 లక్షలతో ప్యాకేజీతో ఉద్యోగాన్ని సాధించా
స్టాన్లీ మహిళా ఇంజనీరింగ్ కళాశాలలో సీఎస్ఈ కోర్సును పూర్తి చేసి రూ.17.5 లక్షల ప్యాకేజీతో ఉద్యోగాన్ని సాధించాను. ఫ్యాకల్టీ ప్రోత్సాహం, కళాశాలలో నిర్వహించిన సీఆర్టీ తరగతులు తనకు మంచి ఉద్యోగం రావడానికి ఉపయోగపడింది. ఫ్యాకల్టీల సూచనల మేరకు విద్యను అభ్యసించి మంచి ప్యాకేజీతో ఉద్యోగాన్ని సాధించడం సంతోషంగా ఉంది. కళాశాల యాజమాన్యానికి ప్రత్యేక కృతజ్ఞతలు.
– విజయ సింధూరి కాజ
సీఆర్టీ తరగతులు మంచి ప్యాకేజీ సాధనకు దోహదపడ్డాయి
స్టాన్లీ మహిళా ఇంజనీరింగ్ కళాశాలలో సీఆర్టీ తరగతులు నిర్వహించడంతో పాటు పరీక్షలు నిర్వహించే వారు. అధ్యాపకులు జాతీయ స్థాయిలో జరిగే విద్యా పోటీలను తెలుసుకుని వాటిలో పాల్గొనేందుకు ప్రోత్సహించేవారు. జాతీయ స్థాయిలో జరిగిన ఐబీఎం హ్యాక్ చాలెంజ్లో పాల్గొని విజయం సాధించాను. కళాశాల అధ్యాపకులు అందించిన ప్రోత్సాహం, సీఆర్టీ తరగతులతో మంచి ప్యాకేజీతో ఎక్స్పీరియన్స్లో సాలీనా పదహారు లక్షల ప్యాకేజీకి ఎంపికై నేను ఉద్యోగం కూడా చేస్తున్నాను. మంచి ప్యాకేజీతో ఉద్యోగం రావడం ఎంతో సంతోషంగా ఉంది.
– పులకుర్తి అనఘారెడ్డి