Telangana Police | సిటీబ్యూరో: అనుమానం వస్తే నగర పోలీసులు తూట దింపేస్తున్నారు… రాత్రి తూటాలకు పనిచెబుతూ.. పగలు లాఠీలకు పనిచెబుతున్నారు. సెల్ఫోన్ స్నాచింగ్లు పెరిగిపోతుండటంతో వాటిని కట్టడి చేయడానికి యాంటీ స్నాచింగ్ బృందాలను పోలీసులు రంగంలోకి దింపి.. రాత్రి వేళల్లో నిఘాను పెంచారు. ఈ టీమ్ రంగంలోకి దిగిన నెల రోజుల వ్యవధిలోనే నాలుగు సార్లు కాల్పులు జరిగాయి. గత బీఆర్ఎస్ ప్రభుత్వ హయాంలో శాంతి భద్రతలకు ఎక్కడ విఘాతం కలుగలేదు.
కాంగ్రెస్ ప్రభుత్వం అధికారంలోకి వచ్చిన తరువాత నగరంలో శాంతి భద్రతల విషయంలో పోలీసులు చేతులెత్తేశారు. సెల్ఫోన్ స్నాచింగ్లు, హత్యలు చోటు చేసుకోవడంతో కండ్లు తెరిచిన ఉన్నతాధికారులు.. రాత్రి వేళల్లో యాంటీ స్నాచింగ్ టీమ్లను రంగంలోకి దింపి..నేరాలను అదుపు చేసే ప్రక్రియను కొనసాగిస్తున్నారు. ఈ క్రమంలోనే ఆసిఫ్నగర్, చిలకలగూడ, సైదాబాద్ ప్రాంతాల్లో నేరగాళ్లను పట్టుకోవడం కోసం పోలీసులు కాల్పులు జరిపారు. తాజాగా, నాంపల్లి స్టేషన్ వద్ద జరిగిన కాల్పుల్లో ఓ అనుమానితుడికి తూటా దిగడం ఇప్పుడు చర్చనీయాంశమైంది.