వెంగళరావునగర్, నవంబర్ 5 : కళ్యాణ్నగర్లో రూ.1.85 కోట్లతో థీమ్ పార్క్ పనులు చేపడుతున్నట్లు ఎమ్మెల్యే, టీఆర్ఎస్ హైదరాబాద్ జిల్లా అధ్యక్షుడు మాగంటి గోపీనాథ్ తెలిపారు. శనివారం పార్క్ పనులను అధికారులతో కలిసి పరిశీలించారు. ఈ సందర్భంగా ఆయన మాట్లాడుతూ ఆహ్లాదం.. ఆనందం కలిగించేలా థీమ్ పార్క్ను ఏర్పాటు చేస్తున్నట్లు తెలిపారు. సందర్శకులను ఆకర్షించేలా థీమ్ పార్క్ను అద్భుతంగా తీర్చిదిద్దుతున్నామన్నారు. అధికారులకు పలు సూచనలు చే శారు. కార్యక్రమంలో వెంగళరావునగర్ కార్పొరేటర్ దే దీప్య విజయ్, జీహెచ్ఎంసీ డీసీ రమేశ్, ఈఈ రాజ్కుమార్,డివిజన్ అధ్యక్షుడు కోనేరు అజయ్, ప్రధాన కార్యదర్శి వేణు, జీటీఎస్ దేవాలయం చైర్మన్ చిన్న ర మేశ్,మాజీ కార్పొరేటర్ శ్యామ్రావు,ఫెడరేషన్ చైర్మన్ సత్యనారాయణ, విజయ్ ముదిరాజ్, గజ్జల బాలకృష్ణ తదితరులు పాల్గొన్నారు.
పైప్లైన్ పనులకు శంకుస్థాపన..
బంజారాహిల్స్, నవంబర్ 5 : పేదలుండే మురికివాడలకు ఉచిత తాగునీటిని అందించిన ఘనత తమ ప్రభుత్వానిదేనని ఎమ్మెల్యే, టీఆర్ఎస్ హైదరాబాద్ జిల్లా అధ్యక్షుడు మాగంటి గోపీనాథ్ అన్నారు. శనివారం రహ్మత్నగర్ డివిజన్ సంజయ్నగర్లో రూ.5.50 లక్షల వ్యయంతో చేపట్టనున్న పైప్లైన్ పనులకు శంకుస్థాపన చేశారు. ఈ సందర్భంగా ఆయన మాట్లాడుతూ టీఆర్ఎస్ ప్రభుత్వం పేదలపక్షమని..నిరుపేదలుండే బస్తీలు, మురికివాడలకు ఉచితంగా తాగునీటిని ఏడాదిన్నర నుంచి సరఫరా చేస్తున్నామని..ఉచిత తాగునీటిని తమ ప్రభుత్వం కొనసాగిస్తుందన్నారు. గత ప్రభుత్వాలు వాటర్ బిల్లులు వసూలు చేసేవని..అప్పట్లో బిల్లులు చెల్లించలేకపోతే కనెక్షన్లు కట్ చేసేవారని..ఇప్పుడు ఆ బెడదేలేదని..నిరుపేదలంతా తమ ప్రభుత్వ పాలనలో సంతోషంతో ఉన్నారన్నారు. సంజయ్నగర్లో ఏర్పాటుచేస్తున్న ఈ పైప్లైన్లతో నీటి సామర్థ్యం పరిమాణం పెరుగుతుందని..బస్తీలో నీటి కొరత ఉండదని..స్వచ్ఛమైన తాగునీటిని అందించనున్నామని పేర్కొన్నారు. పైప్ లైన్ పనులను త్వరితగతంగా పూర్తి చేయాలని వాటర్వర్క్స్ అధికారులను ఆదేశించారు. కార్యక్రమంలో కార్పొరేటర్ సీఎన్రెడ్డి, డివిజన్ అధ్యక్షుడు మన్సూర్, ప్రధాన కార్యదర్శులు సుబ్బరాజు, శ్రీనివాస్, నాయకులు నాగరాజు, షరీఫ్, జబ్బార్, ఫయాజ్, ధనుజ, బస్తీవాసులు అతీక్, సలీమ్, ఉష తదితరులు పాల్గొన్నారు.
వినాయకనగర్ బస్తీలో పర్యటన..
బంజారాహిల్స్, నవంబర్ 5 : రహదారి విస్తరణతో అభివృద్ధి జరుగుతుందని ఎమ్మెల్యే మాగంటి గోపీనాథ్ అన్నారు. శనివారం రహ్మత్నగర్ డివిజన్ వినాయకనగర్ బస్తీలో జీహెచ్ఎంసీ అధికారులు, స్థానికులతో కలిసి పర్యటించారు. ఈ సందర్బంగా ఆయన మాట్లాడుతూ రోడ్డు విస్తరణ చేసుకుంటే ఈ ప్రాంతం మరింత అభివృద్ధి చెందుతుందన్నారు. కార్పొరేటర్ సీఎన్ రెడ్డి, జీహెచ్ఎంసీ డీసీ రమేశ్, ఈఈ రాజ్కుమార్, టౌన్ ప్లానింగ్ ఏసీపీ శ్రీనివాస్, టీఆర్ఎస్ డివిజన్ అధ్యక్షుడు మ న్సూర్, ప్రధాన కార్యదర్శులు శ్రీనివాస్, సుబ్బరాజు, నాయకులు నాగరాజు, షరీఫ్, జబ్బార్, లక్ష్మణ్, గని, లింగరాజు తదితరులు పాల్గొన్నారు.
క్రైస్తవులకు అండగా ప్రభుత్వం..
బంజారాహిల్స్: ప్రేమ, శాంతి ఐక్యతే క్రిస్మస్ సందేశమని ఎమ్మెల్యే మాగంటి గోపీనాథ్ అన్నారు. శనివారం రహ్మత్ నగర్ డివిజన్లోని క్రికెట్ గ్రౌండ్స్లో జూబ్లీహిల్స్ క్రిస్టియన్ ఫోరం సభ్యులతో జరిగిన సమావేశానికి ఆయన ముఖ్య అతిథిగా విచ్చేశారు. ఆయన మాట్లాడుతూ ఈనెల 10వ తేదీన 15వేల మంది క్రైస్తవ సోదరులతో గ్రాండ్ క్రిస్మస్ సెలబ్రేషన్స్ నిర్వహించనున్నామని పేర్కొన్నారు. క్రైస్తవులకు తమ ప్రభుత్వం అండగా ఉందన్నారు. కార్పొరేటర్ సీఎన్ రెడ్డి, పాస్టర్లు విద్యాసాగర్, ఏసురాజు, జోసెఫ్, నాగేశ్వరరావు, విజయ్కుమార్, రాకేశ్, బాబూరావు, డేవిడ్, విలియం, ప్రభాకర్ తదితరులు పాల్గొన్నారు.