బంజారాహిల్స్,జూన్ 7: బంజారాహిల్స్లోని(Banjara Hills) వ్యాపారి ఇంట్లో(Trader house) భారీ చోరీ జరిగింది. వివరాల్లోకి వెళ్తే.. బంజారా హిల్స్ రోడ్ నెం 8లో నివాసం ఉంటున్న గోపాల్దాస్ అగర్వాల్ అనే వస్త్ర వ్యాపారి కుటుంబసభ్యులు నెలరోజుల క్రితం సుమారు 70తులాల బంగారు ఆభరణాలు(Gold theft), బిస్కెట్లు తీసుకుని ఇంట్లోని అల్మారాలో పెట్టారు. బిస్కట్లలో కొన్నింటిని కరిగించి నెక్లెస్లు, గాజులు, ఇతర వస్తువులు తయారు చేశారు. వాటిని బెడ్రూమ్లోని అల్మారాలో దాచి ఉంచారు.
కాగా ఫంక్షన్కు వెళ్లడం కోసం గోపాల్దాస్ కుటుంబసభ్యులు సిద్ధమవుతున్న క్రమంలో అల్మారాలోని ఆభరణాల కోసం చూడగా అవి కనిపించలేదు. నెలరోజుల క్రితం అల్మారాలో పెట్టిన ఆభరణాలు మాయం కావడంలో ఇంట్లో పని చేస్తున్న పనిమనుషుల పాత్ర ఉండవచ్చని అనుమానం వ్యక్తం చేస్తూ గురువారం రాత్రి గోపాల్ దాస్ అగర్వాల్ బంజారాహిల్స్ పోలీసులకు ఫిర్యాదు చేయగా కేసు నమోదు చేసి దర్యాప్తు చేపట్టారు. ఇంట్లో పని చేస్తున్న నలుగురు పనిమనుషులను పోలీసులు విచారిస్తున్నారు.