సిటీబ్యూరో, జూన్ 30(నమస్తే తెలంగాణ): రామకృష్ణ మఠ్ 125వ వ్యవస్థాపక దినోత్సవాన్ని పురస్కరించుకొని నేడు జాతీయ సమావేశాన్ని నిర్వహిస్తున్నట్లు హైదరాబాద్ రామకృష్ణ మఠ్ అధ్యక్షుడు స్వామి బోధమయానంద తెలిపారు. ‘రామకృష్ణ మిషన్ అండ్ హెల్త్ కేర్ 21f సెంచరీ, రైజింగ్ న్యూ ఇండియా’ అనే అంశంపై ప్రసంగించేందుకు దేశ వ్యాప్తంగా ప్రముఖులు హాజరవుతున్నట్లు పేర్కొన్నారు. కార్యక్రమానికి ముఖ్య అతిథిగా కేంద్ర ఆరోగ్య, కుటుంబ సంక్షేమ శాఖ మంత్రి డాక్టర్ మాండవీయ, ముఖ్య వక్తగా హౌరా బెలూర్ మఠ్ ప్రధాన కార్యదర్శి స్వామి సువిరానందజీ మహరాజ్, స్వామి సత్యేషనంద, స్వామి కృపాకరనంద, స్వామి దయాదీపనందతో పాటు ప్రముఖులు హాజరు కానున్నట్లు వెల్లడించారు.
ఈ నెల 3వ తేదీన గురుపూర్ణిమ మహోత్సవ కార్యక్రమాన్ని రామకృష్ణ మఠ్లో నిర్వహిస్తున్నట్లు తెలిపారు. ఉదయం 5.30 గంటలకు మంగళహారతితో ప్రారంభమై వేద పారాయణంతో సాయంత్రం 7.15 వరకు ఆధ్యాత్మిక కార్యక్రమాలు ఉంటాయని, భక్తులందరూ ఆహ్వానితులేనని పేర్కొన్నారు.