ఉస్మానియా యూనివర్సిటీ, జూన్ 26: లంబాడ హక్కుల పోరాట సమితి (ఎల్హెచ్పీఎస్) ఆధ్వర్యంలో జూలై 1న గోర్ బంజారా జాతీయ సమ్మేళనం రవీంద్రభారతిలో నిర్వహించనున్నట్లు లంబాడీ స్టూడెంట్ ఆర్గనైజేషన్ (ఎల్ఎస్వో) రాష్ట్ర అధ్యక్షుడు అశోక్నాయక్ తెలిపారు. ఈ మేరకు ఎల్ఎస్వో ముఖ్య కార్యకర్తల సమావేశం ఓయూ ఆర్ట్స్ కళాశాల ఆవరణలో బుధవారం నిర్వహించిన సమావేశానికి అశోక్నాయక్ ముఖ్య అతిథిగా హాజరై మాట్లాడారు.
గోర్ బోలిని రాజ్యాంగంలోని ఎనిమిదో షెడ్యూలులో చేర్చాలని డిమాండ్ చేశారు. ఈ డిమాండ్తో ఎల్హెచ్పీఎస్ వ్యవస్థాపక అధ్యక్షుడు డాక్టర్ బెల్లయ్య నాయక్ ఆధ్వర్యంలో మరో ఉద్యమానికి శ్రీకారం చుట్టబోతున్నట్లు తెలిపారు. కార్యక్రమంలో ఎల్ఎస్వో నాయకులు విజేందర్పవార్, జగదీశ్నాయక్, సంతోష్నాయక్, వెంకటేశ్ నాయక్, చందర్, గణేశ్, కిషన్, రాజు, జంపన్న, సురేందర్, రవీందర్ పాల్గొన్నారు.