GHMC | సిటీబ్యూరో, జూలై 8 (నమస్తే తెలంగాణ): గ్రేటర్ హైదరాబాద్ మునిసిపల్ కార్పొరేషన్ పరిధిలో ఔట్సోర్సింగ్ విధానంలో పని చేస్తున్న పారిశుధ్య కార్మికుల పనివేళల్లో మార్పులు చేసినట్లు జీహెచ్ఎంసీ అధికారులు ఒక ప్రకటనలో తెలిపారు. ప్రస్తుతం వేసవి సీజన్ ముగియడంతో ఇక నుంచి పారిశుధ్య కార్మికులు ఉదయం 6 నుంచి మధ్యాహ్నం 2 గంటల వరకు పారిశుధ్య పనులు చేయాల్సి ఉంటుందని, బయో మెట్రిక్ హాజరును ఉదయం 5 నుంచి 6 గంటల మధ్య, తిరిగి మధ్యాహ్నం 1 నుంచి 2 గంటల మధ్య నమోదు చేయాల్సి ఉంటుందని జీహెచ్ఎంసీ కమిషనర్ ఆమ్రపాలి ఆదేశాలు జారీ చేశారు.