జీడిమెట్ల/కుత్బుల్లాపూర్, ఆగస్టు 31: వచ్చే అసెంబ్లీ ఎన్నికల్లో కుత్బుల్లాపూర్ ఎమ్మెల్యే కేపీ వివేకానంద్కు తమ పూర్తి మద్దతు ఉంటుందని రంగారెడ్డినగర్ డివిజన్ పరిధి మారుతీ నగర్ సంక్షేమ సంఘం సభ్యులు ఏకగ్రీవ తీర్మానం చేశారు. గురువారం మారుతీ నగర్ సంక్షేమ సంఘం సభ్యులు ఎమ్మెల్యే వివేకానంద్ను ఆయన నివాసం వద్ద మర్యాద పూర్వకంగా కలిసి తీర్మాన పత్రం అందజేశారు. ఈ సందర్భంగా మారుతీనగర్ కాలనీలో కోట్లాది రూపాయలు వెచ్చించి అభివృద్ధి చేసినందుకుగాను ఎమ్మెల్యేకు కృతజ్ఞతలు తెలిపి శాలువాతో ఘనంగా సత్కరించారు.
అనంతరం వారు మాట్లాడుతూ రానున్న ఎన్నికల్లో తమ సంక్షేమ సంఘం మద్దతు సంపూర్ణంగా ఉంటుందని, మూడవ సారి ఎమ్మెల్యేగా భారీ మెజార్టీతో గెలిపించుకుంటామని అన్నారు. ఈ కార్యక్రమంలో సంక్షేమ సంఘం ప్రతినిధులు జె.రాఘవులు, ఎం.శ్రీనివాస్, సందిభూషణ్, ఎస్.ఆనంద్, ఎం.శ్రీనివాస్, విశ్వనాథం, వెంకటేశ్, బాలచందర్, గణేశ్, సుమన్, పద్మనాభరెడ్డి, శేఖర్ రెడ్డి, గోవర్ధన్ రెడ్డి, ఎస్.డి.జఫర్, విష్ణు, ప్రసాద్, శ్రీను, హన్మంతు, రామయ్య, రత్తయ్య, చంద్రమోహన్, శ్రీనివాసరావు, చంద్రశేఖర్, నర్సింహరెడ్డి, రామచంద్రారెడ్డి, మోహన్, తదితరులు పాల్గొన్నారు.