మెహిదీపట్నం, మే 28: ఎంఐ ఎం పార్టీ సీనియర్ నాయకుడు, నాంపల్లి మాజీ ఎమ్మెల్యే మహ్మద్ విరాసత్ రసూల్ఖాన్(78) మంగళవారం అనారోగ్యంతో తన స్వగృహంలో కన్నుమూశారు. 2009లో నూతనంగా ఏర్పడిన నాంపల్లికి మొట్ట మొదటి ఎమ్మెల్యేగా విరాసత్ రసూల్ఖాన్ ఎన్నికయ్యారు. గతం లో చార్మినార్ నియోజకవర్గానికి 1989 నుంచి 1994 వరకు ఎమ్మెల్యేగా కూడా పనిచేశారు. విరాసత్ రసూల్ఖాన్ మృతి పార్టీకి తీరని లోటని కార్వాన్, యాఖుత్పురా, నాంపల్లి నియోజకవర్గాల ఎమ్మెల్యేలు మహ్మద్ కౌసర్మొహినుద్దీన్, జాఫర్ హుస్సేన్ మెరాజ్, మహ్మద్ మాజీద్ హుస్సేన్, ఎమ్మెల్సీ మీర్జా రహమత్ బేగ్ ఖాద్రి పేర్కొన్నారు. ఆయన కుటుంబసభ్యులకు ప్రగాఢ సానుభూతిని తెలిపారు.