Rail Nilayam | హైదరాబాద్ : సికింద్రాబాద్ రైల్ నిలయం వద్ద అగ్నిప్రమాదం సంభవించింది. వేగంగా వెళ్తున్న కారులో నుంచి ఒక్కసారిగా దట్టమైన పొగలు వెలువడ్డాయి. దీంతో అప్రమత్తమైన డ్రైవర్ కారును పక్కకు ఆపేశాడు. క్షణాల్లోనే కారులో మంటలు చెలరేగి పూర్తిగా కాలిపోయింది. ఈ ప్రమాదం నుంచి డ్రైవర్ ప్రాణాలతో బయటపడ్డాడు.
సమాచారం అందుకున్న పోలీసులు ఘటనాస్థలానికి చేరుకుని మంటలను అదుపు చేశారు. రైల్ నిలయం వద్ద ఏర్పడిన ట్రాఫిక్ జామ్ను పోలీసులు క్లియర్ చేశారు. ఇంజిన్ వేడి కావడంతోనే మంటలు చెలరేగిసినట్లు పోలీసులు నిర్ధారించారు. ఈ ప్రమాదంలో కారు డ్రైవర్కు ఎలాంటి గాయాలు కాలేదని, ఆయన సురక్షితంగా బయటపడ్డాడని పేర్కొన్నారు.
ఆర్టీసీ క్రాస్ రోడ్స్లోని శ్రీదత్త సాయి కమర్షియల్ కాంప్లెక్స్లో బుధవారం రాత్రి అగ్నిప్రమాదం సంభవించిన సంగతి తెలిసిందే. పోలీసులు, ఫైర్ సిబ్బంది సకాలంలో స్పందించడంతో ఎలాంటి ప్రాణహానీ జరగలేదు. కాంప్లెక్స్లోని ఫ్లాట్ 202, మరో ఫ్లాట్లో ఉన్న టప్పర్ వేర్ గోదాంలో రాత్రి 7 గంటల సమయంలో ప్రమాదవశాత్తు మంటలు చెలరేగాయి. ఆ గోదాంలో ప్లాస్టిక్ ఐటమ్స్ ఉండడంతో ఆ ప్రాంతమంతా మంటలు, పొగతో నిండిపోయింది. కాంప్లెక్స్లో ఉన్నవారంతా సురక్షితంగా బయటపడ్డారు. ఆరు ఫైరింజన్లతో 4 గంటల పాటు శ్రమించి మంటలను అదుపు చేశారు.
ఇవి కూడా చదవండి..
Newborn Twins Murdered | నవజాత కవల బాలికల గొంతు కోసి హత్య.. తండ్రి అరెస్ట్
Telangana | సాంఘిక సంక్షేమ గురుకుల హాస్టల్లో ఎలుకల స్వైర విహారం.. 12 మంది విద్యార్థినులపై దాడి