Fire accident : హైదరాబాద్లోని జూబ్లీహిల్స్లో అగ్నిప్రమాదం చోటుచేసుకుంది. జర్నలిస్టు కాలనీ బస్స్టాప్ ఎదురుగా ఉన్న ఓ సాఫ్ట్వేర్ కంపెనీకి చెందిన భవనంలో ఒక్కసారిగా మంటలు చెలరేగాయి. దాంతో భయాందోళనకు గురైన ఉద్యోగులు కిందకు దిగి పరుగులు తీశారు.
ఆ భవనంలో నిబంధనలకు విరుద్ధంగా పార్కింగ్ ప్లేస్ను వ్యర్థాల డంపింగ్ కోసం వాడుతున్నారు. దాంతో ఆ వ్యర్థాలకు మంటలు అంటుకుని దట్టంగా పొగలు కమ్ముకున్నాయి. భయంతో ఉద్యోగులు పరుగులు పెట్టారు. కంపెనీ సిబ్బంది ద్వారా సమాచారం అందుకున్న అగ్నిమాపక సిబ్బంది ఘటనా ప్రాంతానికి చేరుకుని మంటలను ఆర్పేశారు.
సాఫ్ట్ వేర్ కంపెనీలో అగ్ని ప్రమాదం.. భయంతో పరుగులు తీసిన ఉద్యోగుల
హైదరాబాద్ – జూబ్లీహిల్స్ పరిధిలోని జర్నలిస్ట్ కాలనీ బస్టాప్ ఎదురుగా ఉన్న Phoenix భవనంలోని పార్కింగ్ స్థలంలో ఒక్కసారిగా మంటలు చెలరేగి.. పొగ కమ్ముకుంది.
భయంతో సాఫ్ట్ వేర్ ఉద్యోగులు బయటకు పరుగులు తీశారు..… pic.twitter.com/z6PuBt95O4
— Telugu Scribe (@TeluguScribe) June 25, 2024
కంపెనీ యాజమాన్యం సేఫ్టీ నిబంధనలు పాటించకపోవడంవల్లే ఈ అగ్నిప్రమాదం జరిగిందని పోలీసులు భావిస్తున్నారు. ఘటనపై కేసు నమోదు చేసి దర్యాప్తు చేపట్టనున్నట్లు తెలిపారు.