మన్సూరాబాద్/చాంద్రాయణగుట్ట, ఫిబ్రవరి 14: రాంగ్ రూట్లో వచ్చిన కారు..బైక్ను ఢీకొట్టింది. ఈ ప్రమాదంలో ఎక్సైజ్ సీఐ దుర్మరణం పాలయ్యారు. ఎస్సై తీవ్రంగా గాయపడ్డారు. ఎల్బీనగర్ పోలీస్స్టేషన్ పరిధిలో ఈ ఘటన చోటు చేసుకున్నది. పోలీసుల కథనం ప్రకారం.. నల్గొండ జిల్లా నర్కేట్పల్లికి చెందిన మహ్మద్ సాదిక్ అలీ (40) ప్రస్తుతం మలక్పేటలో నివాసముంటున్నారు. చార్మినార్ ఎక్సైజ్ సీఐగా విధులు నిర్వహిస్తున్నారు.
నారాయణగూడ ఎక్సైజ్ సబ్ ఇన్స్పెక్టర్ ఖాజా వలీ మొయినుద్దీన్(52)తో కలిసి సాదిక్ అలీ మంగళవారం రాత్రి ఎల్బీనగర్ నుంచి మూసారాంబాగ్కు బైక్పై వెళ్తుండగా, సరూర్నగర్ ఇండోర్ స్టేడియం సమీపంలో రాంగ్రూట్లో అతివేగంగా వచ్చిన కారు ఢీకొట్టింది. ఈ ప్రమాదంలో సాదిక్ అలీ చనిపోగా, మొయినుద్దీన్ తీవ్రంగా గాయపడ్డాడు. ప్రమాదానికి కారణమైన వ్యక్తి కారు వదిలి పారిపోయాడు. కాగా, మహ్మద్ సాదిక్ అలీ భౌతిక కాయానికి ఆయన నివాసంలో పలువురు పోలీసులు అధికారులు, బంధువులు నివాళులర్పించారు.