సిటీబ్యూరో, మే 14 (నమస్తే తెలంగాణ): హైదరాబాద్ పార్లమెంట్ నియోజకవర్గానికి జరిగిన ఎన్నికల పోలింగ్ సందర్భంగా వినియోగించిన డాక్యుమెంట్లు సరిగా ఉన్నాయా లేదా.. మాల్ ప్రాక్టీస్ జరగలేదని నిర్దారించుకోవడానికి డాక్యుమెంట్లను స్క్రూట్నీ చేశామని రిటర్నింగ్ అధికారి, కలెక్టర్ అనుదీప్ దురిశెట్టి తెలిపారు. మంగళవారం నాంపల్లి ఎగ్జిబిషన్ గ్రౌండ్లోని కమలానెహ్రూ పాలిటెక్నిక్ కళాశాలలో ఎన్నికల్లో పోటీ చేసిన అభ్యర్థులు, పలు రాజకీయ పార్టీల ప్రతినిధులు, ఏఆర్ఓల సమక్షంలో హైదరాబాద్ పార్లమెంట్ నియోజకవర్గంలోని ఏడు అసెంబ్లీ సెగ్మెంట్లలో ప్రతి అసెంబ్లీ సెగ్మెంట్లో ఐదు పోలింగ్ కేంద్రాలను ర్యాండమ్ గా స్క్రూట్నీ చేశారు. నియోజకవర్గంలోని యాకత్పుర అసెంబ్లీ సెగ్మెంట్లో ర్యాండమ్ గా 9,303,44, 130, 270 పోలింగ్ కేంద్రాలు, చార్మినార్ సెగ్మెంట్లో 8, 81, 22, 27, 131 పోలింగ్ కేంద్రాలు, మలక్పేట్ సెగ్మెంట్లో 261, 68, 64, 234,300 బహదూర్పుర సెగ్మెంట్లో 166, 97, 203, 199, 88, 40, 120 పోలింగ్ కేంద్రాలు, గోషామహల్ సెగ్మెంట్లోని 22, 26, 129, 151, 214 పోలింగ్ కేంద్రాలను ర్యాండమ్గా 17 సీ, 17ఏ, పీఓ డైరీ, విజిట్ షీట్, బుక్లెట్లను పరిశీలించి అన్ని సరిగానే ఉన్నట్లు నిర్దారించారు. ఈ కార్యక్రమంలో హైదరాబాద్ జనరల్ అబ్జర్వర్ పీఐ శ్రీవిద్య, పోటీ చేసిన అభ్యర్థులు, వివిధ రాజకీయ పార్టీల ప్రతినిధులు, ఏఆర్ఓ వెంకట చారి, మహిపాల్రెడ్డి, టి.వెంకన్న, జ్యోతి, విక్టర్ రవి, ఎన్నికల సిబ్బంది పాల్గొన్నారు.