సిటీబ్యూరో, జూన్ 4 (నమస్తే తెలంగాణ): హైదరాబాద్ జిల్లాలో ఓట్ల లెక్కింపు ప్రశాంతంగా జరిగినట్లు జిల్లా ఎన్నికల అధికారి రొనాల్డ్రాస్ తెలిపారు. మంగళవారం జిల్లాలో పార్లమెంట్ ఓట్ల లెక్కింపు 13 లొకేషన్లలో 16 కౌంటింగ్ కేంద్రాల్లో సికింద్రాబాద్, హైదరాబాద్ పార్లమెంట్, కంటోన్మెంట్ ఉప ఎన్నికల లెక్కింపు జరిగిందని పేర్కొన్నారు. ఓట్ల లెక్కింపు సందర్భంగా కమిషనర్ కార్వాన్, నాంపల్లి, యాకుత్పుర, చార్మినార్, చాంద్రాయణగుట్ట అసెంబ్లీ సెగ్మెంట్ ఓట్ల లెక్కింపు ప్రక్రియను కమిషనర్ పరిశీలించారు. జిల్లాలో ఓట్ల లెక్కింపు ప్రశాంతంగా నిర్వహించిన అధికారులు, సిబ్బందికి సహకరించిన మీడియా ప్రతినిధులు, కౌంటింగ్ అబ్జర్వర్స్, పోలీస్ అధికారులు, సిబ్బందికి జిల్లా ఎన్నికల అధికారి ధన్యవాదాలు తెలిపారు.