శంషాబాద్ రూరల్, జూన్ 2 : నకిలీ పాస్పోర్టుతో దుబాయ్ వెళ్లేందుకు యత్నించిన వ్యక్తిని ఆర్జీఐఏ పోలీసులు అరెస్టు చేశారు. సీఐ బాలరాజు కథనం ప్రకారం.. నిజామాబాద్ ప్రాంతానికి చెందిన నర్సయ్య నకిలీ పాస్పోర్టుతో దుబాయ్ వెళ్లేందుకు శనివారం రాత్రి శంషాబాద్ ఎయిర్ పోర్టుకు వచ్చాడు. నర్సయ్య వద్ద ఉన్న పాస్పోర్టును పరిశీలించిన ఎయిర్పోర్టు భద్రత అధికారులు.. నకిలీ పాస్పోర్టుగా గుర్తించారు. దీంతో అతడిని అదుపులోకి తీసుకొని శంషాబాద్ ఆర్జీఐఏ పోలీసులకు అప్పగించారు. కేసు నమోదు చేసుకొని దర్యాప్తు చేస్తున్నట్లు సీఐ తెలిపారు.