మేడ్చల్, జూన్ 25: మేడ్చల్ పోలీస్స్టేషన్ పరిధిలో జరిగిన రోడ్డు ప్రమాదంలో ఒకరు మృతి చెందారు. పోలీసుల కథనం ప్రకారం.. మంగళవారం ఉదయం తెల్లవారుజామున పటాన్చెరు నుంచి మేడ్చల్ వైపు వస్తున్న డీసీఎం వాహనం సుతారిగూడ వద్ద ఆగి ఉన్న కంటైనర్ను ఢీకొట్టింది. దీంతో డీసీఎం డ్రైవర్ వాహనం దిగి పరిశీలిస్తుండగా.. మరో కంటైనర్ వచ్చి డ్రైవర్ను ఢీ కొట్టింది. ఈ ఘటనలో డీసీఎం డ్రైవర్ రవికుమార్ అక్కడికక్కడే మృతి చెందాడు. ఘటనా స్థలానికి చేరుకున్న పోలీసులు మృతదేహాన్ని పోస్టుమార్టం నిమిత్తం గాంధీ ఆస్పత్రికి తరలించారు. పోలీసులు కేసు నమోదు చేసుకొని దర్యాప్తు చేపట్టారు.