అమీర్పేట, జూలై 19: డ్రగ్స్కు అలవాటుపడుతున్న యువత తమ బంగారు భవిష్యత్తును నాశనం చేసుకుంటున్నదని ఎక్సైజ్ అసిస్టెంట్ కమిషనర్ అనిల్కుమార్ అన్నారు. మెడికల్, ఇంజినీరింగ్ విద్యార్థులు ఈ డ్రగ్స్ మహమ్మారిని తమ దరిదాపుల్లోకి కూడా రానీయకుండా జాగ్రత్త పడాలన్నారు. శుక్రవారం ఈఎస్ఐసీ వైద్య కళాశాలలో వైద్య విద్యార్థులకు డ్రగ్స్ వినియోగం వల్ల వచ్చే అనర్థాలపై ఎక్సైజ్ అసిస్టెంట్ కమిషనర్ అనిల్కుమార్ ఆధ్వర్యంలో అవగాహన శిబిరం నిర్వహించారు.
ఈ సందర్భంగా ఆయన మాట్లాడుతూ.. దేశంలో కొత్తగా అమల్లోకి వచ్చిన చట్టాలతో డ్రగ్స్ విక్రయిస్తున్నా, వినియోగించినా, నిల్వ ఉంచినా, రవాణా చేసినా, చివరికి ఆ ప్రాంగణానికి చెందిన వ్యక్తి అయినా కేసు తీవ్రంగా ఉంటుందని వివరించారు. విద్యార్థులు డ్రగ్స్కు దూరంగా ఉండాలన్నారు. ఎవరికైనా డ్రగ్స్కు సంబంధించిన సమాచారం ఉంటే వెంటనే అధికారులకు తెలియజేయాలని కోరారు. ఈ కార్యక్రమంలో వైద్య కళాశాల డీన్ కుమార్ చౌహాన్ తదితరులు పాల్గొన్నారు.