CM Revanth Reddy | మేడ్చల్, మార్చి 8 (నమస్తే తెలంగాణ): మేడ్చల్-మల్కాజిగిరి జిల్లాలో సీఎం రేవంత్రెడ్డి శనివారం పర్యటించనున్నారు. డ్వాక్రా గ్రూప్ మహిళలతో నిర్వహించే ముఖాముఖి కార్యక్రమ ఏర్పాట్లను కండ్లకోయలో కలెక్టర్ గౌతమ్ శుక్రవారం పరిశీలించారు. ఈ సందర్భంగా అధికారులకు పలు సూచనలు చేశారు. ఎలాంటి ఇబ్బందులు తలెత్తకుండా చర్యలు తీసుకోవాలని ఆదేశించారు.
కండ్లకోయలో స్వయం సహాయక సంఘాల మహిళలతో ముఖ్యమంత్రి ముఖాముఖి అనంతరం గుండ్ల పోచంపల్లిలో జరిగే ఎన్నికల శంఖారావం కార్యక్రమాల్లో పాల్గొననున్నారు. ఈ కార్యక్రమాన్ని విజయవంతం చేయాలని మేడ్చల్-మల్కాజిగిరి జిల్లా కాంగ్రెస్ నాయకులు కోరారు.