మేడ్చల్ కలెక్టరేట్/బోడుప్పల్, నవంబర్26: మహిళల ఆర్థికస్వావలంబనకు కృషి చేసింది సీఎం కేసీఆర్ నాయకత్వంలోని బీఆర్ఎస్ ప్రభుత్వమేనని, ప్రజాఆశీర్వాదంతో 100ఎమ్మెల్యేసీట్లు పక్కాసాధిస్తామని కార్మిక శాఖమంత్రి, మేడ్చల్ బీఆర్ఎస్ ఎమ్మెల్యే అభ్యర్థి చామకూర మల్లారెడ్డి అన్నారు. ఆదివారం బోడుప్పల్ బీఆర్ఎస్ అధ్యక్షుడు మంద సంజీవరెడ్డి ఆధ్వర్యంలో10వేల మంది మహిళలతోనాగారం మున్సిపాలిటీ చైర్మన్ కౌకుం ట్ల చంద్రారెడ్డి ఆధ్వర్యంలో 2వేల మందితో ఏర్పాటు మహిళా గర్జన ర్యాలీకి ముఖ్య అతిథిగా మంత్రి మల్లారెడ్డి స్థానిక మేయర్ సామల బుచ్చిరెడ్డితో కలిసి హాజరైయ్యారు.
మహిళాగర్జన ర్యాలీకి ప్రధాన రహదారులన్నీ గులాబీమయమయ్యాయి.ఈ సందర్భంగా మంత్రి మా ట్లాడుతూ … ఎన్నికల్లో ప్రజాశీర్వాదంతో భారీ మెజార్టీతో బీఆర్ఎస్ ప్రభుత్వ హ్యాట్రిక్ విజయం సాధిస్తుందని ఆయన ధీమా వ్యక్తం చేశారు. బోడుప్పల్ మహిళా గర్జన ర్యాలీతో ప్రతిపక్షాల డిపాజిట్లు గల్లంతుకావడం పక్కాఅని తెలిపారు. బీఆర్ఎస్ ప్రభుత్వం అమలు చేస్తున్న సంక్షేమ పథకాలు దేశంలో మరే ప్రభుత్వం అమలు చేయడం లేదని స్పష్టం చేశారు. రైతును రాజును చేసిన ఘనత ముఖ్యమంత్రి కేసీఆర్దే అన్నారు.
మిషన్ భగీరథతో ఇంటింటికి తాగునీరు, మిషన్కాకతీయతో చెరువులు కళకళ, వృద్ధులకు అండగా ఆసరా పింఛన్లు,కల్యాణలక్ష్మి, షాదీముబారక్, మరెన్నో బృహత్తర పథకాలను అమలు చేస్తూ దేశానికే ఆదర్శంగా తెలంగాణ నిలిచిందన్నారు. తాను ఎమ్మెల్యే, మంత్రిగా బాధ్యతులు చేపట్టిననుంచి బోడుప్పల్ను ప్రగతిపథంలో నిలిపిన తీరును ప్రజలు గమనించాలన్నారు. కారుగుర్తుకు ఓటేసి భారీ మెజార్టీ ఇవ్వాలని ప్రజలకు విజ్ఞప్తిచేశారు.నాగారం మున్సిపాలిటీ లో లింక్ రోడ్ల అభివృద్ధికి రూ.240 కోట్లు మం జూరు అయ్యాయని, త్వరలోనే పను లు మొదలు పెడుతామన్నారు.
కాంగ్రెస్ అంటే స్కాములని, అభివృద్ధి అంటే సీఎం కేసీఆర్ అని, తెలంగాణను అభివృద్ధి చేసిన కారు గుర్తుకు ఓటు వేయాలని కోరారు. వచ్చే మూడేండ్లలో నాగారం మున్సిపాలిటీ మరింత అభివృద్ధి చెంది హైదరాబాద్కు సిటీ మారుతుందని అన్నారు. బోడుప్పల్ లో జరిగిన కార్యక్రమంలో డిప్యూటీ మేయర్ కొత్త లక్ష్మీరవిగౌడ్, స్థానిక కార్పొరేటర్లు, కోఆప్షన్ సభ్యులు బ్రహ్మన్నగౌడ్, పార్టీ ప్రధాన కార్యదర్శి కృష్ణ, నాయకులు రవిగౌడ్, రాంచంద్రారెడ్డి, శేఖర్రెడ్డి, చక్రపాణిగౌడ్, విశ్వనాథ్, బాలయ్య, జగదీశ్వర్రెడ్డి, మనోహర్రెడ్డి, శ్రీనివాస్గుప్త, కీర్తన్రెడ్డి, శత్రజ్ఞ ,విక్రమ్గౌడ్, కుమార్, సాయి, నాగారంలో జరిగిన కార్యక్రమంలోచైర్మన్ చంద్రారెడ్డి, పార్టీ అధ్యక్షులు శ్రీధర్, వైస్ చైర్మన్ మల్లేశ్యాదవ్, ప్రధాన కార్యదర్శి శ్రీనివాస్ గౌడ్, వర్కింగ్ ప్రెసిడెంట్ శ్రీనివాస్, కౌన్సిలర్లు, కో-ఆప్షన్ సభ్యులు, నాయకులు, మహిళలు, కార్యకర్తలు, తదితరులు పాల్గొన్నారు.