మల్కాజిగిరి, జూలై 21 : బోనాల పండుగను(Bonala festival) అంగరంగవైభవంగా నిర్వహిస్తామని ఎమ్మెల్యే మర్రి రాజశేఖర్ రెడ్డి( MLA Marri Rajasekhar Reddy) అన్నారు. ఆదివారం బోయిన్పల్లిలోని క్యాంప్ కార్యాలయంలో వెంకటాపురం డివిజన్ యాదమ్మనగర్ బస్తీలో జరిగే బోనాల పండుగకు రావాలని ఎమ్మెల్యేకు స్థానిక నాయకులు ఆహ్వానపత్రాన్ని అందజేశారు. ఈ సందర్భంగా ఎమ్మెల్యే మర్రి రాజశేఖర్ రెడ్డి మాట్లాడు తూ.. నియోజక వర్గంలోని 155 దేవాలయాలకు దాదాపు రూ.65లక్షల ఆర్థిక సహాయాన్ని అందజేశామని అన్నారు.
కొత్త దేవాలయాలకు ఆర్థిక సహాయం అందజేయాడానికి చర్యలు తీసుకుంటున్నామని పేర్కొన్నారు. దేవాల యంలో మౌలిక సదుపాయాలను కల్పించాలని, భక్తులకు ఇబ్బందులు రాకుండా చర్యలు తీసుకోవాలని దేవాలయ కమిటీ సభ్యులను కోరారు. ఈ కార్యక్రమంలో అనిల్కిశోర్, స్వామి, సుధాకర్, వెంకటేష్ స్వామి, విజయశేఖర్, రమేష్, సురేష్, కురుమయ్య, మధు, తదితరులు పాల్గొన్నారు.