శేరి లింగంపల్లి, జూలై 4: ఆర్టిఫిషియల్ ఇంటలిజెన్స్తో పనిచేసే అధునాతన ఎథోస్ రేడియో థెరపీతో క్యాన్సర్ చికిత్సకు మెరుగైన అవకాశాలు అందుబాటులోకి వచ్చాయని తెలంగాణ రాష్ట్ర వైద్య, ఆరోగ్యశాఖ మంత్రి టీ.హరీశ్ రావు అన్నారు. శేరిలింగంపల్లి నలగండ్లలోని ఓ హాస్పిటల్లో మంగళవారం నూతనంగా ఏర్పాటుచేసిన అధునాతన ఎథోస్ రెడియోథెరపీ కేంద్రాన్ని ఆయన ప్రభుత్వ విప్, శేరి లింగంపల్లి ఎమ్మెల్యే అరెకపూడి గాంధీతో కలిసి ప్రారంభించారు.
ఈ సందర్భంగా మాట్లాడుతూ, క్యాన్సర్ను మొదటి దశలో గుర్తించి మెరుగైన చికిత్సను అందిస్తే ప్రాణాపాయ స్థితి నుంచి బయటపడోచ్చని అన్నారు. ఆర్టిఫిషియల్ ఇం టెలీజెన్స్ (ఏఐ)తో పనిచేసే సరికొత్త ఎథోస్ రేడియో థెరపీతో మెరుగైన ఫలితాలు సాధించవచ్చని అన్నారు. అందుబాటులో ఉన్న సాంకేతిన పరిజ్ఞానంతో వైద్య, ఆరోగ్య రంగంలో విప్లవాత్మక మార్పులు చోటుచేసుకుంటున్నాయని ఆయన పేర్కొన్నారు.
ప్రభుత్వ విప్, శేరిలింగంపల్లి ఎమ్మెల్యే అరెకపూడి గాంధీ, ఆందోల్ ఎమ్మెల్యే క్రాంతికిరణ్, సిద్దిపేట్ ఎమ్మెల్యే ఎర్రోళ్ల శ్రీనివాస్, శేరి లింగంపల్లి డివిజన్ కార్పొరేటర్ రాగం నాగేందర్ యాదవ్, మాదాపూర్ డివిజన్ కార్పొరేటర్ జగదీశ్వర్ గౌడ్, చందానగర్ డివిజన్ కార్పొరేటర్ మంజుల రఘునాథ్రెడ్డి, భారతీనగర్ డివిజన్ కార్పొరేటర్ సింధూ ఆదర్శ్రెడ్డి, సీటీఎస్ఐ దక్షిణాసియా సీఈఓ హరీష్ త్రివేది, అమెరికన్ ఆంకాలజీ దవాఖాన సీఓఓ డాక్టర్ ప్రభాకర్తో పాలు పలువురు వైద్యులు, సిబ్బంది ఈ కార్యక్రమంలో పాల్గొన్నారు.