కాచిగూడ,జూన్ 26: రాష్ట్రంలో బీసీ కులగణన ప్రక్రియ చేపట్టడానికి తక్షణమే విధి విధానాలను ఖరారు చేయాలని బీసీ సంక్షేమ సంఘం జాతీయ ఉపాధ్యక్షుడు గుజ్జ సత్యం సీఎం రేవంత్రెడ్డికి విజ్ఞప్తి చేశారు. బుధవారం కాచిగూడలో నిర్వహించిన విలేకరుల సమావేశంలో ఆయన మాట్లాడుతూ..
బీసీ కుల సంఘాలు, అభిలపక్ష నేతలతో వెంటనే సమావేశం ఏర్పాటు చేసి, కులగణనపై అభిప్రాయాలను సేకరించాలని సూచించారు. కులగణన చేపట్టి, బీసీలకు 50 శాతం రిజర్వేషన్లు అమలు చేసిన తర్వాతే తెలంగాణలో స్థానిక సంస్థల ఎన్నికలు నిర్వహించాలన్నారు. రాష్టంలోని 110 బీసీ కులాల్లో అత్యధిక శాతం నేటికి చట్టసభల్లో ప్రాతినిధ్యం లేదని ఆవేదన వ్యక్తం చేశారు. కులగణన చేయడం ద్వారా బీసీలకు రాజ్యాధికారంలో వాటా దక్కుతుందని పేర్కొన్నారు. ఈ కార్యక్రమంలో సురేశ్, పండరీనాథ్, తదితరులు పాల్గొన్నారు.