కవాడిగూడ, నవంబర్ 14: సీఎం కేసీఆర్ చేపడుతున్న సంక్షేమ పథకాలకు ఆకర్షితుడినై బీఆర్ఎస్ పార్టీలో చేరినట్లు బీసీ యువజన సంఘం రాష్ట్ర కన్వీనర్ టి. రాజ్కుమార్ తెలిపారు. ఈ మేరకు రాష్ట్ర ఆర్ధిక, వైద్య ఆరోగ్య శాఖా మంత్రి తన్నీరు హరీశ్ రావు సమక్షంలో పార్టీలో చేరినట్లు మంగళవారం ఆయన వెల్లడించారు. ఈ సందర్భంగా మంత్రి హరీశ్ రావు బీఆర్ఎస్ పార్టీ కండువాను కప్పి సాదరంగా ఆహ్వానించినట్లు ఆయన తెలిపారు.
ఈ సందర్భంగా ఆయన మాట్లాడుతూ మంత్రి హరీశ్ రావు నేతృత్వంలో సీఎం కేసీఆర్ ఆశయాలకు అనుగుణంగా పని చేస్తానని ఆయన చెప్పారు. తమ చేరికకు సహకరించిన ఎమ్మెల్సీ దేశపతి శ్రీనివాస్కు ఆయన ఈ సందర్భంగా కృతజ్ఞతలు తెలిపారు. తొమ్మిదేండ్లలో తెలంగాణ అభివృద్ధి పట్ల సీఎం కేసీఆర్ చిత్తశుద్ధి అసమానమైనదని, భవిష్యత్తు తెలంగాణ ఎలా ఉండాలన్న దానిపై కేసీఆర్కు స్పష్టత ఉన్నదని మంత్రి హరీశ్ రావు పేర్కొన్నట్లు ఆయన తెలిపారు. మళ్లీ వచ్చేది బీఆర్ఎస్ ప్రభుత్వమేనని మంత్రి హరీశ్ రావు ధీమా వ్యక్తం చేసినట్లు ఆయన వెల్లడించారు.