బేగంపేట, మే 31: నాలాల్లో పూడిక, చెత్త తొలగించకపోవడంతో వరద ముప్పు పొంచి ఉన్నదంటూ.. ‘నమస్తే’లో కథనం ప్రచురితమైంది. ఈ కథనానికి బేగంపేట సర్కిల్ బల్దియా అధికారులు స్పందించారు. దుర్గంధ భరితంగా మారిన బేగంపేటలోని ధనియాలగుట్ట, కట్టమైసమ్మ దేవాలయం వెనుక ఉన్న నాలాలను బేగంపేట సర్కిల్ ఉప కమిషనర్ సమ్మయ్య, ఇంజినీరింగ్ విభాగం ఈఈ సుదర్శన్ సిబ్బందితో కలిసి శుక్రవారం పరిశీలించారు. నాలాల్లో వ్యర్థాల తొలగింపునకు తీసుకోవాల్సిన చర్యలపై సిబ్బందికి సూచనలిచ్చారు. సోమవారం నాలాల్లో వాహనాలను దింపి వ్యర్థాలను పూర్తిగా తొలగిస్తామని ఈఈ సుదర్శన్ తెలిపారు.