సిటీబ్యూరో, మే 22 (నమస్తే తెలంగాణ) : జూన్ 4న ఎన్నికల కౌంటింగ్ దృష్ట్యా కౌంటింగ్ కేంద్రాల వద్ద పకడ్బందీ ఏర్పాట్లు చేయాలని జిల్లా కలెక్టర్, హైదరాబాద్ రిటర్నింగ్ అధికారి అనుదీప్ దురిశెట్టి బుధవారం అధికారులను ఆదేశించారు. జీహెచ్ఎంసీ సర్కిల్ ఆఫీసులో నిర్వహించిన గోషా మహల్ డేటా ఎంట్రీ రిహార్సల్ను ఆయన పరిశీలించారు. ఈ సందర్భంగా కలెక్టర్ మాట్లాడుతూ.. ఎన్నికల మార్గదర్శకాలకు అనుగుణంగా కౌంటింగ్కు ఏర్పాట్లు పూర్తి చేయాలన్నారు. 14 టేబుళ్లు ఏర్పాటు చేసి.. కౌంటింగ్ ఏజెంట్ల సమక్షంలో ఓట్ల లెక్కింపు జరిగేలా చర్యలు తీసుకోవాలన్నారు. ఎలాంటి సంఘటనలు జరగకుండా పోలీసు భద్రత ఏర్పాటు చేయాలని చెప్పారు. గుర్తింపు కార్డు ఉన్న వారిని మాత్రమే లోపలికి అనుమతించాలని స్పష్టం చేశారు. ఈ సమావేశంలో నోడల్ ఏఆర్వో విక్టర్, డిప్యూటీ కలెక్టర్ అండ్ ఏఆర్ఓ విద్యాధర్, ప్రేమ్ కుమార్ తదితరులు పాల్గొన్నారు.