సిటీబ్యూరో, జూలై 26 (నమస్తే తెలంగాణ) : విద్యార్థుల్లో ప్రతిభను వెలికి తీసేందుకు ఇన్స్పైర్ అవార్డ్స్ మానక్-2024 నిర్వహిస్తున్నట్టు హైదరాబాద్ జిల్లా విద్యాధికారి కె.రోహిణి తెలిపారు. అందులో భాగంగా జిల్లాలోని అన్ని ప్రభుత్వ, ప్రైవేట్ పాఠశాలల ఉపాధ్యాయులతో గూగుల్ మీట్ నిర్వహించి ఇన్స్పైర్ అవార్డ్స్పై అవగాహన కల్పించారు. ఈ సందర్భంగా జిల్లా సైన్స్ అధికారి ధర్మేందర్ మాట్లాడుతూ.. ఇన్స్పైర్ అవార్డ్స్ మానక్ 2024-25 నామినేషన్స్ సెప్టెంబర్ 15 వరకు దరఖాస్తు చేసుకోవడానికి అవకాశం ఉందన్నారు.
ప్రతి పాఠశాలలో ఒక బాక్స్ ఏర్పాటు చేసి, సమస్య దాని పరిష్కారంపై వినూత్న ఐడియాలను రాసి ఆ బాక్స్లో వేయాలని కోరారు. ప్రతి పాఠశాల నుంచి ఉత్తమ 5 ఆలోచనలను ఎంపిక చేసి వాటిని ఇన్స్పైర్ అవార్డ్స్కు దరఖాస్తు చేసుకోవాలని చెప్పారు. ప్రతి పాఠశాల ఇండియన్ పోస్టాఫీసులో అకౌంట్ ఓపెన్ చేయాలని, ప్లేస్టోర్లో ఇన్స్పైర్ యాప్ను డౌన్లోడ్ చేసుకోవాలని సూచించారు. కాగా ఈ మీట్లో 450 మంది ఉపాధ్యాయులు పాల్గొన్నారు.