జీడిమెట్ల, మే 29: ప్రేమించమని వెంట పడ్డాడు.. తీరా ప్రేమించాక పెండ్లి చేసుకోనని ముఖం చాటేశాడు. మనస్తాపానికి గురైన ఓ యువతి సూసైడ్ నోట్ రాసి ఆత్మహత్య చేసుకుంది. ఈ ఘటన జీడిమెట్ల పోలీస్స్టేషన్ పరిధిలో జరిగింది. జీడిమెట్ల ఇన్స్పెక్టర్ శ్రీనివాస్రావు కథనం ప్రకారం.. షాపూర్నగర్లోని ఎన్ఎల్బీనగర్కు చెందిన అఖిల(22) ప్రైవేటు ఉద్యోగి. అదే ప్రాంతానికి చెందిన అఖిల్ సాయిగౌడ్ గత ఎనిమిదేండ్లుగా అఖిల వెంట పడ్డాడు. తనను ప్రేమించకపోతే చనిపోతానంటూ బెదిరించాడు. అతడి ప్రేమను కాదనలేకపోయి అంగీకరించింది. వీరిద్దరికీ పెండ్లి చేసేందుకు పెద్దలు కూడా నిర్ణయించారు. కాని, అఖిల్ సాయిగౌడ్ పెండ్లికి నిరాకరించడంతో ఆమె మానసిక వేదనకు గురైంది. బుధవారం రాత్రి సూసైడ్ నోట్ రాసి.. ఇంట్లో అత్మహత్యకు పాల్పడింది. మృతురాలి తండ్రి ఫిర్యాదు మేరకు అఖిల్ సాయి గౌడ్పై కేసు నమోదు చేసి, దర్యాప్తు చేస్తున్నారు.