మల్కాజిగిరి, జూలై 11: చెత్త వేస్తున్నారంటూ ఎదురింటి వారిచ్చిన ఫిర్యాదుతో అల్వాల్ పోలీసులు బాధ్యులపై కేసు నమోదు చేశారు. ఇన్స్పెక్టర్ రాహుల్దేవ్ కథనం ప్రకారం.. ఓల్డ్ అల్వాల్ గణేశ్ ఎన్క్లేవ్ నివాసులు వెంకటేశ్వరరావు, శిల్ప దంపతులు. వెంకటేశ్వర రావు ఉస్మానియా యూనివర్సిటీలో లెక్చరర్గా పనిచేస్తున్నాడు. వీరి ఇంటి ఎదురుగా పవన్ ఇల్లు ఉంది. పవన్ గోడ వద్ద వీరు చెత్త వేస్తున్నారు. చెత్త వివాదం ప్రతిరోజూ ఈ రెండు కుటుంబాల మధ్య జరుగుతోంది. విసిగిపోయిన వవన్ పోలీసులకు ఫిర్యాదు చేశాడు. కేసు నమోదు చేసిన ఎస్సై సురేశ్ ఇరు కుటుంబాలను బుధవారం పోలీస్ స్టేషన్కు పిలిపించారు. ఇద్దరికి కౌన్సెలింగ్ ఇచ్చి మరోసారి గొడవ పడొద్దంటూ సూచించారు. దీంతో వెంకటేశ్వరరావు దంపతులు ఆవేశానికిలోనై ఎస్సై సురేశ్పై అసభ్యపదజాలంతో దూషించారు. ఎస్సై వారిని వారిస్తు.. మీపై కేసు నమోదు చేయాల్సి వస్తుందని సూచించాడు. శిల్ప కోపంతో ఎస్సై కాలర్ పట్టుకుంది. భార్యాభర్తలపై పోలీసులు కేసు నమోదు చేసి, ఇద్దరిని అరెస్టు చేసి రిమాండ్కు తరలించారు.