హైదరాబాద్ : బైక్ను లారీ(Lorry) ఢీకొట్టడంతో(Road accident) ఓ మహిళ మృతి చెందింది. ఈ సంఘటన రంగారెడ్డి జిల్లా(Rangareddy) కొత్తూరు పోలీస్ స్టేసన్ పరిధిలోని వై జంక్షన్ సమీపంలో శుక్రవారం జరిగింది. కొత్తూరు సీఐ నరసింహారావు వివరాల ప్రకారం.. సిద్ధాపూర్ గ్రామానికి చెందిన పర్వతాలు, ఆయన భార్య పద్మమ్మ కొత్తూరు నుంచి శంషాబాద్ వైపునకు వెళ్తున్నారు. అయితే వెనుక నుంచి వచ్చిన లారీ బైక్ను ఢీకొట్టింది. వారు ఎగిరి రోడ్డుపై పడ్డారు. దీంతో పద్మ కాలుపై నుంచి లారీ టైరు వెళ్లింది. దీంతో కాలు నుజ్జు నుజ్జు అయింది. హుటాహుటిన శంషాబాద్లోని ఓ ప్రైవేటు హాస్పిటల్కు తరలించారు. అయితే కాలు నుంచి తీవ్ర రక్తస్రావం కావడంతో పద్మమ్మ మృతి చెందింది. ఈ మేరకు కేసు నమోదు చేసి దర్యాప్తు చేస్తున్నామని సీఐ నరసింహారావు తెలిపారు.