మారేడ్పల్లి, జూలై 16: విధులు ముంగించుకొని తిరిగి ఇంటికి వెళ్తున్న క్రమంలో ఓ రైల్వే ట్రాక్ మెన్(Railway trackman )పట్టాలు దాటుతుండగా రైలు ఢీ కొట్టడంతో అక్కడిక్కడే మృతి(Died) చెందిన సంఘటన సికింద్రాబాద్ రైల్వే పోలీసు స్టేషన్ పరిధిలో చోటు చేసుకుంది. రైల్వే పోలీసులు తెలిపిన వివరాల ప్రకారం..బీబీనగర్ గుడూరు ప్రాంతానికి చెందిన మహేందర్రెడ్డి (36) ఎస్ఎస్ఈ/ పిడబ్ల్యూఎవై/ ఎస్సి మౌలాలిలో ట్రాక్ మెన్గా విధులు నిర్వహిస్తున్నాడు. రోజు మాదిరిగానే మంగళవారం కూడా విధులకు హజరై విధులు ముగించుకొని సాయంత్రం ఇంటికి వెళ్తున్నాడు.
ఇదే సమయంలో మౌలాలిలోని గూడ్స్ క్యాబిన్ వద్ద స్టోర్ రూంకు వెళ్లి తిరిగి డౌన్ లైన్ పట్టాల పక్కన ఉన్న కంకరపై నడుచుకుంటూ వెళ్తున్నాడు. ఈ క్రమంలో రైలు రాకను గమనించని రైల్వే ట్రాక్ మెన్ మహేందర్ రెడ్డిని రైలు ఢీ కొట్టడడంతో అక్కడికక్కడే మృతి చెందాడు. తోటి రైల్వే కార్మికుల ద్వారా సమాచారం అందు కున్న రైల్వే పోలీసులు సంఘటన స్థలానికి చేరుకొని మృతదేహాన్ని స్వాధీనం చేసుకొని పోస్టుమార్టం నిమి త్తం మృతదేహాన్ని గాంధీ మార్చూరీకి తరలించారు. పోలీసులు కేసు నమోదు చేసుకొని దర్యాప్తు చేస్తున్నారు.