జూబ్లీహిల్స్,జనవరి24 : నగరంలోని ఒమెగా హాస్పిటల్లో 60 ఏండ్ల మహిళకు ‘3 డి ఆగ్మెంటేడ్ రియాలిటీ-గ్లాస్సెస్’ టెక్నాలజీతో మోకాలి మార్పిడి శస్త్ర చికిత్స విజయవంతంగా చేశారు. ఫ్రాన్స్ దేశంలో అందుబాటులో ఉన్న ఈ అధునాతన టెక్నాలజీ ద్వారా తెలుగు రాష్ర్టాల్లో ఈ తరహా శస్త్ర చికిత్స విజయవంతంగా నిర్వహించడం తొలిసారని డైరెక్టర్ ఆఫ్ ఆర్థోపెడిక్ డాక్టర్ ఆదిత్య కపూర్ తెలిపారు.
ఈ తరహా చికిత్స పూర్తయిన తరువాత ఒక్కరోజులోనే తిరిగి నడవగలుగుతారని.. మోకాళ్ల నొప్పులతో బాధపడుతున్న వారికి ఈ టెక్నాలజీ ద్వారా వైద్యం అందించడం ఒక వరం లాంటిదని ఆయన వివరించారు.