Hyderabad | హైదరాబాద్ : మియాపూర్ పోలీసు స్టేషన్ పరిధిలోని మక్తాలో దారుణం జరిగింది. ఓ ఆరేండ్ల బాలుడిపై వీధి కుక్కలు దాడి చేసి చంపాయి. ఇవాళ ఉదయం మక్తాలోని నిర్మానుష్య ప్రాంతంలో బాలుడి మృతదేహం లభ్యమైంది.
బాలుడి తల్లిదండ్రులు స్థానికంగా భిక్షాటన చేస్తున్నట్లు పోలీసుల విచారణలో తేలింది. నిన్న రాత్రి ఆడుకుంటూ బయటకు వెళ్లిన బాలుడు కనిపించకుండా పోయాడు. దీంతో అప్రమత్తమైన తల్లిదండ్రులు బాలుడి అదృశ్యంపై మియాపూర్ పోలీసులకు ఫిర్యాదు చేశారు. స్థానికంగా ఉండే డంపింగ్ యార్డు వద్ద కుక్కలు అధికంగా ఉన్నాయి. దాంతో అక్కడికి వెళ్లి చూడగా, బాలుడి మృతదేహం కనిపించింది. బాలుడి శరీరమంతా గాయాలు ఉన్నాయి. మృతుడు తల్లిదండ్రులు శోకసంద్రంలో మునిగిపోయారు.