సిటీబ్యూరో, మే 30 (నమస్తే తెలంగాణ): గ్రేటర్లో ఎండలు మళ్లీ దంచికొడుతున్నాయి. 40 డిగ్రీలు దాటి ఉష్ణోగ్రతలు నమోదవుతుండటంతో నగర జనం ఉక్కిరిబిక్కిరవుతున్నారు.కిందిస్థాయి గాలులు పశ్చిమ దిశ నుంచి తెలంగాణ వైపు వీస్తుండటంతో ఉష్ణోగ్రతలు పెరుగుతున్నట్లు వాతావరణ కేంద్రం అధికారులు చెబుతున్నారు.
గురువారం ఉదయం నుంచి రాత్రి వరకు గ్రేటర్లో గరిష్ఠం 40.4, కనిష్ఠం 29.4, గాలిలో తేమ 29శాతంగా నమోదైనట్లు అధికారులు వెల్లడించారు. రానున్న రెండు మూడు రోజులు ఉష్ణోగ్రతలు 41 డిగ్రీలు దాటే అవకాశాలున్నట్లు హెచ్చరించారు.