సిటీబ్యూరో, మే 1, (నమస్తే తెలంగాణ)/మలక్పేట: లోక్సభ ఎన్నికల నేపథ్యంలో ఎన్ఫోర్స్మెంట్, ఫ్లయింగ్ స్కాడ్ బృందాలు గ్రేటర్ వ్యాప్తంగా విస్తృతంగా తనిఖీలు నిర్వహిస్తున్నాయి. ఇందులో భాగంగా ఎన్నికల కోడ్ వచ్చినప్పటి నుంచి ఇప్పటి వరకు రూ.21.57 కోట్ల నగదును ఎన్ఫోర్స్మెంట్ వింగ్ సీజ్ చేసినట్లు జిల్లా ఎన్నికల అధికారి, జీహెచ్ఎంసీ కమిషనర్ రొనాల్డ్రాస్ తెలిపారు. రూ.13.76 కోట్ల విలువజేసే ఇతర వస్తువులు, 26,416.28 లీటర్ల అక్రమ మద్యాన్ని కూడా పట్టుకున్నట్లు చెప్పారు.
261 మందిపై కేసులు నమోదు చేసి, 258 మందిని అరెస్టు చేసినట్లు కమిషనర్ తెలిపారు. ఎన్నికలకు సంబంధించిన నగదు, ఇతర వస్తువులపై 551 ఫిర్యాదులు రాగా, వాటిని పరిష్కరించారని, 354 మందిపై ఎఫ్ఐఆర్లు కూడా నమోదు చేసినట్లు పేర్కొన్నారు. 3, 068 లైసెన్స్ ఆయుధాలను డిపాజిట్ చేసినట్లు రొనాల్డ్రాస్ తెలిపారు. తాజాగా, గడిచిన 24 గంటల వ్యవధిలో రూ.ఒకకోటి 89 లక్షల నగదు, రూ.4.32 కోట్ల విలువైన వస్తువులను పట్టుకొని సీజ్ చేసినట్లు చెప్పారు.