న్యూయార్క్ : సాయంత్రం, రాత్రి వేళల్లో మద్యం తీసుకుంటే అది నిద్ర నాణ్యతను తగ్గిస్తుందని పలు అధ్యయనాలు వెల్లడించాయి. కొందరికి మద్యం తీసుకుంటే త్వరగా నిద్ర వచ్చినా రాత్రంతా పలుమార్లు నిద్రా భంగం కలిగిస్తుంది. ఆల్కహాల్ తీసుకోవడం ద్వారా గాఢ నిద్రను కోల్పోతున్నారని (Improve Your Sleep) నేషనల్ ఇనిస్టిట్యూట్ ఆన్ ఆల్కహాలిజం డైరెక్టర్కు సీనియర్ సైంటిఫిక్ అడ్వైజర్ ఆరన్ వైట్ పేర్కొన్నారు. అలాగే, ఆల్కహాల్ అయిపోయిన తర్వాత రీబౌండ్ ఎఫెక్ట్ వల్ల కొంతమంది త్వరగా మేల్కొని ఆపై తిరిగి నిద్రపోవడంలో ఇబ్బందిపడతారని వైట్ చెప్పారు.
2022లో నిర్వహించిన పరిశోధనా సమీక్షలో నెలరోజుల పాటు మద్యానికి దూరంగా ఉన్న వారిలో నిద్ర మెరుగుపడిందని వెల్లడైంది. బ్రిటన్లో డ్రై జనవరి ఛాలెంజ్లో పాల్గొన్న 4000 మందిపై ఈ పరిశోధన చేపట్టారు. ఆల్కహాల్ తీసుకోకుంటే నిద్ర పరిస్ధితి మెరుగైందని 56 శాతం మంది వెల్లడించారు. రాత్రి పడుకునే ముందు మద్యం తీసుకుంటే నిద్రకు విఘాతం కలిగిస్తుందని నిపుణులు తేల్చిచెప్పారు.
ఉదయం గ్లాస్ మద్యం సేవించినా అది రాత్రి వేళ నిద్రా భంగం కలిగించదని, రాత్రి డిన్నర్తో హాఫ్ బాటిల్ వైన్ తీసుకున్నా అది నిద్రపై ప్రభావం చూపుతుందని అమెరికన్ అకాడమీ ఆఫ్ స్లీప్ మెడిసిన్ క్లినికల్ సైకాలజిస్ట్ జెన్నిఫర్ మార్టిన్ చెబుతున్నారు. తాను కొన్నేండ్ల కిందట స్వల్ప కాలం మద్యం వదిలివేసిన అనంతరం సాయంత్రం కేవలం ఒక గ్లాస్ వైన్కు దూరంగా ఉండటంతో తాను మెరుగ్గా నిద్రపోగలిగానని గుర్తించానని వెల్లడించారు. మద్యం అలవాటును మానుకోవడం నిద్ర నాణ్యతను పెంచుతుందని, మద్యం తీసుకునేవారు దశల వారీగా దాన్ని తగ్గించుకుంటూ రావడం మేలని ఆమె సూచిస్తున్నారు.
Read More :
Animal Movie | మీ ఆర్ట్ పెద్ద అబద్ధం.. జావేద్ అక్తర్పై యానిమల్ టీమ్ విమర్శలు