న్యూఢిల్లీ : మండే వేసవిలో చిన్నపాటి శారీరక శ్రమ చేసినా చెమట పట్టడం జీవక్రియల వేగం పెంచుతుంది. ఇదే అవకాశంగా మెరుగైన ఆహారంతో పొట్టను కరిగించవచ్చని పోషకాహార నిపుణులు చెబుతున్నారు. దోసకాయ, కీరా వంటి నీరు ఎక్కువగా ఉండే కూరగాయలతో ఎంచక్కా కొవ్వును కరిగించి పర్ఫెక్ట్ ఫిట్నెస్ సాధించవచ్చని నిపుణులు సూచిస్తున్నారు.
దోసకాయ : నీరు ఎక్కవగా ఉండే దోసకాయను రైతా, సలాడ్స్, కూరల్లో విరివిగా వాడుకోవచ్చు. దోసకాయలో 96 శాతం నీరు ఉండగా మిగిలినది ఫైబర్. దోసకాయ తరచూ తీసుకోవడంతో శరీరానికి తగినంత నీరు అందడంతో పాటు తక్కువ క్యాలరీలు ఉండటంతో బరువు తగ్గుతారు. పచ్చి దోసకాయ తీసుకుంటే త్వరగా పొట్ట తగ్గుతుంది.
బెండకాయ : లేడీస్ ఫింగర్గా పేరొందిన బెండకాయలో అద్భుత ఆరోగ్య ప్రయోజనాలున్నాయి. ఈ కాయగూరలో ఫైబర్తో పాటు యాంటీఆక్సిడెంట్లు పుష్కలంగా ఉన్నాయి. బెండకాయ హృద్రోగులకు, మధుమేహులకు ఎంతో మేలైనది. బెండకాయ అధిక బరువును నియంత్రించడంతో పాటు జీర్ణక్రియ లోపాలను చక్కదిద్దుతుంది.
పొట్లకాయ : పొట్లకాయలో 92 శాతం నీరు ఉండగా మిగిలిన 8 శాతం ఫైబర్తో కూడి ఉంటుంది. దీనిలో ఉండే ఫైబర్తో కొద్దిగా తిన్నా కడుపు నిండిన భావన కలగడంతో తక్కువ క్యాలరీలనే తీసుకుంటారు. ఇది జీరో క్యాలరీ ఫుడ్గా పేరొందినది కావడంతో బరువు తగ్గుతారు. ఇంకా పొట్లకాయలో మెగ్నీషియం, ఐరన్, జింక్, క్యాల్షియం, సోడియం వంటి పోషకాలు ఉంటాయి.
కాకరకాయ : చేదుగా ఉండే కాకరకాయ ఆరోగ్యానికి మాత్రం అద్భుతమైన కాయగూరగా పేరొందింది. ఇందులో ఉండే ఫైబర్ ఆరోగ్యానికి మేలు చేయడంతో పాటు కాకరకాయలో ఉండే ఔషధాలు కొవ్వు కణాలను నియంత్రిస్తాయని ఓ అధ్యయనంలో వెల్లడైంది.