అన్నం తిన్న వెంటనే కొంతమందికి తేన్పులు మొదలైపోతాయి. అజీర్తి సమస్య కూడా తలెత్తుతుంది. ఇలా ఎందుకు
జరుగుతుందంటే… పొట్టలోని ఆమ్లం ఛాతివైపు ఎగబాకడం వల్ల పుల్లటి తేన్పులు వస్తుంటాయి. దీన్ని గాస్ట్రోపేరెసిస్ అంటారు. అపసవ్యమైన ఆహారపు అలవాట్లు కూడా ఈ సమస్యకు కారణమవుతాయి. వేళాపాళా లేకుండా తినడం వల్ల తిన్న తర్వాత పొట్టలో గ్యాస్, కడుపు ఉబ్బరం ఏర్పడుతుంది. ఆ తర్వాత ఎసిడిటీ, తేన్పులు మొదలైపోతాయి. ఇలాంటి పరిస్థితిలో తిన్న తర్వాత పొట్ట ఉబ్బిపోతుంది కూడా. భోజనం తర్వాత ఈ సమస్య తలెత్తితే కొన్ని ఇంటి చిట్కాలు ఉపశమనాన్ని ఇస్తాయి.
అల్లం ముక్కలు: రాత్రి భోజనం తర్వాత అజీర్తి, కడుపు ఉబ్బరం వేధిస్తుంటే అల్లం చిన్నచిన్న ముక్కలుగా చేసుకుని తినాలి. అంతేకాదు, అల్లాన్ని సలాడ్లలో కూడా కలుపుకోవచ్చు. దీంతో తినడం సులువైపోతుంది. అల్లం అజీర్తి నుంచి ఉపశమనం కలిగిస్తుంది.
సోంపు: భోజనం తర్వాత పుల్లటి తేన్పులు, గ్యాస్ సమస్యలు తలెత్తితే సోంపు నమలడం ప్రయోజనకరంగా ఉంటుంది.
సెలెరీ నీళ్లు: కడుపు ఉబ్బరం, అజీర్ణ సమస్యల నుంచి బయటపడటానికి సెలెరీ (కొత్తిమీరను పోలిన మొక్క) నీళ్లు కూడా చాలా మంచివి. రాత్రి పడుకునే ముందు ఓ టేబుల్స్పూన్ సెలెరీ ఆకులను గ్లాసు నీళ్లలో వేసి మరిగించాలి. తర్వాత ఆ నీళ్లను తాగేయాలి. దీంతో వెంటనే ఉపశమనం దొరుకుతుంది.
ఈ సమస్య రావొద్దంటే…