ప్రస్తుతం చాలామందిని బాధిస్తున్న సమస్య కొలెస్ట్రాల్. లావుగా ఉన్నా.. సన్నగా కనిపించినా.. శరీరంలో కొవ్వుల స్థాయులు ఎక్కువగానే ఉంటున్నాయి. దానికి మనం తీసుకునే ఆహారం ఒక కారణం అయితే, లైఫ్ైస్టెల్ మరో కారణం. శరీరంలో కొలెస్ట్రాల్ పెరిగిపోయే కొద్దీ గుండె ప్రమాదానికి చేరువ అవుతున్నట్టే. శరీరంలో పేరుకుపోయిన అధిక కొలెస్ట్రాల్ను దూరం చేసుకోవాలంటే మీ డైట్లో చిన్న మార్పు చేసుకుంటే సరిపోతుంది. చియా సీడ్స్ను ఆహారంలో భాగంగా చేసుకుంటే శరీరంలో పెరిగిపోయిన చెడు కొలెస్ట్రాల్ కరిగిపోతుంది.
చియా సీడ్స్ను నీటిలో నానబెట్టినప్పుడు వాటి నుంచి జెల్లీ లాంటి పదార్థం వస్తుంది. ఈ జెల్లీ గుండె రక్తనాళాల్లో పేరుకుపోయిన కొవ్వులను శుభ్రపరుస్తుంది. ఈ గింజల్లో హెల్తీ ఫ్యాట్ ఉంటుంది. అది రక్తంలో హెచ్డీఎల్ కొలెస్ట్రాల్ను పెంచుతుంది. ట్రైగ్లిజరైడ్ స్థాయులను తగ్గించడంలో సాయపడుతుంది. అంతేకాదు, చియా గింజల్లో ఉండే ఫైబర్.. జీర్ణాశయంలోని చెడుకొవ్వును కరిగిస్తుంది. రక్త ప్రసరణలో ఎదురయ్యే అవరోధాలను నిరోధిస్తుంది.