తెలంగాణ రాష్ట్ర ప్రభుత్వం భారత రాజ్యాంగ నిర్మాత డాక్టర్ బీఆర్ అంబేద్కర్ రచించిన భారత రాజ్యాంగంలోని మూడో అధికరణను అనుసరించి ఏర్పడినది. తెలంగాణ ప్రభుత్వం ఆ మహనీయుడిని గౌరవిస్తూ రాష్ట్ర రాజధాని హైదరాబాద్లో 125 అడుగుల ఎత్తయిన విగ్రహాన్ని ఏర్పాటు చేసింది. దళితుల ఆర్థిక స్వావలంబన కోసం దళిత బంధు పథకాన్ని అమలు చేస్తున్నది. విదేశాల్లో ఉన్నత విద్య అభ్యసించాలనుకొనే దళిత విద్యార్థుల కోసం ఓవర్సీస్ స్కాలర్షిప్ ద్వారా రూ.20 లక్షలు సాయం అందిస్తున్నది.
ఈ నేపథ్యలో తెలంగాణ రాష్ట్ర ప్రభుత్వం డాక్టర్ బీఆర్ అంబేద్కర్ కృషిని స్ఫూర్తిగా తీసుకొని వివిధ యూనివర్సిటీల్లో పీహెచ్డీ చేసి డాక్టరేట్ పొందిన దళిత యువతను మండల స్థాయిలో తహసీల్దార్ ఆధ్వర్యంలో సత్కరించాలి. వారికి ‘దళిత వజ్రం’ పేరుతో ప్రశాంసా పత్రం ఇవ్వాలి. ఇలా సత్కారం పొందిన వారికి ఆయా మండలాల పరిధిలోని దళిత కమ్యూనిటీ హాళ్లు, సంక్షేమ వసతి గృహా పర్యవేక్షణను, అంబేద్కర్ విగ్రహాల ఏర్పాటు, ఆవిష్కరణ, నిర్వహణ బాధ్యతలను అప్పగించాలని రాష్ట్ర ప్రభుత్వానికి మనవి చేస్తున్నాను.
– రాపాక రవీందర్, జనగాం