ముంబై : ఓ వృద్ధుడు అందరూ చూస్తుండగానే ఆత్మహత్య చేసుకున్నాడు. వేగంగా వెళ్తున్న ఓ బస్సు వెనుకాల టైర్ల కింద తల పెట్టి తనువు చాలించాడు. ఈ ఘటనకు సంబంధించిన దృశ్యాలు అక్కడున్న సీసీటీవీ కెమెరాల్లో రికార్డు అయ్యాయి.
వివరాల్లోకి వెళ్తే.. మహారాష్ట్ర రాజధాని అంధేరి వెస్ట్లో ఓ రహదారి వాహనాలతో రద్దీగా ఉంది. అయితే ఓ వృద్ధుడు నడుచుకుంటూ వెళ్తూ.. అప్పుడే తన ముందు నుంచి వెళ్తున్న బస్సు వెనుక టైర్ల కింద తలపెట్టాడు. గమనించని డ్రైవర్ బస్సును ముందుకు పోనివ్వడంతో ప్రాణాలు కోల్పోయాడు ఆ వృద్ధుడు.
సమాచారం అందుకున్న పోలీసులు ఘటనాస్థలికి చేరుకుని మృతదేహాన్ని స్వాధీనం చేసుకున్నారు. మృతుడిని అబ్దుల్ గఫార్ ఇస్మాయిల్ సయీద్(59)గా గుర్తించారు. మృతుడి వివరాలను సేకరించిన అనంతరం ఆ డెడ్బాడీని అతని కుటుంబ సభ్యులకు పోలీసులు అప్పగించారు. అయితే వృద్దుడు ఎందుకు ఆత్మహత్య చేసుకున్నాడన్న విషయం తెలియరాలేదు. కుటుంబ సభ్యులు కూడా స్పందించలేదు.