ప్రస్తుతం రీరిలీజ్ల ట్రెండ్ ఊపందుకుంది. అలనాటి హిట్ చిత్రాలు మరలా వెండితెరపై ప్రేక్షకుల్ని అలరిస్తున్నాయి. గౌతమ్మీనన్ దర్శకత్వం వహించిన ప్రేమకథా చిత్రం ‘ఎటో వెళ్లిపోయింది మనసు’ ఆగస్ట్ 2న రీరిలీజ్ కానుంది.
ఈ చిత్రాన్ని లక్ష్మీ నరసింహా మూవీస్ పతాకంపై సుప్రియ, శ్రీనివాస్ రీరిలీజ్ చేస్తున్నారు. నాని, సమంత జంటగా నటించిన ఈ చిత్రం ఫీల్గుడ్ లవ్స్టోరీగా మెప్పించింది. ముఖ్యంగా ఇళయరాజా స్వరపరచిన గీతాలు ప్రేక్షకుల్ని అమితంగా ఆకట్టుకున్నాయి. ఈ అద్భుత ప్రేమకథను మరలా ప్రేక్షకుల ముందుకు తీసుకురావడం ఆనందంగా ఉందని మేకర్స్ తెలిపారు.