యష్ కథానాయకుడిగా కె.వి.రాజు దర్శకత్వంలో రూపొందిన చిత్రం ‘రాజధాని రౌడీ’. సంతోష్ ఎంటర్టైన్మెంట్స్ పతాకంపై సంతోష్ కుమార్ నిర్మించారు. ఈ నెల 14న విడుదలకానుంది. ఈ సందర్భంగా దర్శకుడు చిత్ర విశేషాలు తెలియజేస్తూ ‘మాదక ద్రవ్యాలు, మద్యపానం బారినపడి నలుగురు యువకులు తమ జీవితాలను ఎలా నాశనం చేసుకున్నారనే సందేశాత్మక కథాంశంతో ఈ చిత్రాన్ని తెరకెక్కించాం. యాక్షన్, వినోదాత్మక అంశాలతో ఈ సినిమా ఆకట్టుకుంటుంది. ప్రకాష్రాజ్ పోలీసాఫీసర్గా అద్భుతమైన నటనను ప్రదర్శించాడు. తెలుగు ప్రేక్షకులకు కూడా ఈ సినిమా నచ్చుతుంది’ అన్నారు.