Thungalaan | విక్రమ్ కథానాయకుడిగా నటిస్తున్న పీరియాడిక్ చిత్రం ‘తంగలాన్’. కోలార్ గోల్డ్ఫీల్డ్స్ నేపథ్య కథాంశమిది. ఈ సినిమాలో బంగారు గనుల్లో పనిచేసే ఓ తెగకు సంబంధించిన నాయకుడిగా విక్రమ్ పవర్ఫుల్ పాత్రలో కనిపించనున్నారు. ఈ చిత్రాన్ని ఆగస్ట్ 15న విడుదల చేస్తున్నట్లు మేకర్స్ ప్రకటించారు.
యథార్థ ఘటనల ఆధారంగా రూపొందించిన ఈ చిత్రం ప్రేక్షకులకు సరికొత్త అనుభూతినందిస్తుందని, ఇప్పటికే విడుదల చేసిన ట్రైలర్, ప్రచార చిత్రాలకు అద్భుతమైన స్పందన లభించిందని చిత్ర బృందం పేర్కొంది. మాళవిక మోహనన్, పార్వతీ తిరువోతు తదితరులు నటిస్తున్న ఈ చిత్రానికి పా.రంజిత్ దర్శకత్వం వహిస్తున్నారు. కేఈ జ్ఞానవేల్ రాజా నిర్మాత.