ప్రస్తుతం రీరిలీజుల పర్వం నడుస్తున్న నేపథ్యంలో పాత బ్లాక్బస్టర్లన్నీ మరోసారి థియేటర్లలో ప్రేక్షకులను పలకరిస్తున్నాయి. ఇటీవలే శంకర్ ‘ప్రేమికుడు’ విడుదలైన విషయం తెలిసిందే. ఇప్పుడు శంకర్ మరో బ్లాక్బాస్టర్ ‘అపరిచితుడు’ కూడా విడుదల కానుంది. 19ఏళ్ల క్రితం శంకర్, విక్రమ్ కలయికలో వచ్చిన ఈ సినిమా దేశవ్యాప్తంగా సృష్టించిన హంగామా అంతాఇంతాకాదు.
అప్పట్లోనే పాన్ ఇండియా స్థాయిలో విజయం సాధించిన సినిమా ఇది. మల్టిపుల్ పర్సనాలిటీ డిజార్డర్తో బాధపడుతున్న రామం.. సందర్భాన్ని బట్టి రెమోగా, అపరిచితుడిగా మారుతూ సూపర్హీరోని తలపిస్తూ దేశద్రోహుల్ని విచిత్రంగా అంతమొదిస్తుంటాడు. వైవిద్యమైన కధాంశం, శంకర్ దర్శకత్వ శైలి, విక్రమ్ అభినయం, హరీశ్జైరాజ్ సంగీతం.. ఈ సినిమాను అఖండవిజయానికి కారణాలు. మళ్లీ ఈ నెల 17న 700 థియేటర్లలో ఈ సినిమా విడుదల కానుంది.