Vijay Deverakonda | చిత్ర పరిశ్రమలో లీకుల సమస్య ఈనాటిది కాదు. సినిమాలోని సీన్లకు సీన్లే లీకైన సందర్భాలున్నాయి. గత ఏడాది ‘గేమ్చేంజర్’లోని రామ్చరణ్ గెటప్ కూడా ఇలాగే లీకైంది. ఇప్పుడు దేవరకొండ విజయ్ సినిమా వంతు వచ్చింది. ప్రస్తుతం ఆయన గౌతమ్ తిన్ననూరి దర్శకత్వంలో ఓ చిత్రం చేస్తున్న విషయం తెలిసిందే. ఈ సినిమా షూటింగ్ ప్రస్తుతం శ్రీలంకలో జరుగుతున్నది. ఇందులో దేవరకొండ విజయ్ గూఢచారి పాత్ర పోషిస్తున్నట్టు సమాచారం.
తాజాగా ఈ సినిమాలోని ఆయన స్టిల్ సోషల్మీడియాలో ప్రత్యక్షమైంది. ట్రిమ్ చేసుకొని వైట్ డ్రెస్లో చాలా అందంగా కనిపిస్తున్నారు దేవరకొండ విజయ్. ఈ స్టిల్ ప్రస్తుతం ఓ రేంజ్లో వైరల్ అవుతున్నది. వెంటనే చిత్రయూనిట్ రంగలోకి దిగి, సోషల్ మీడియా నుంచి ఈ స్టిల్ని తొలగించే ప్రయత్నం చేసింది. కానీ అంతలోనే మరో స్టిల్ లీకైంది.
దీంతో సితార ఎంటర్టైన్మెంట్స్ స్పందిస్తూ సోషల్మీడియాలో ఓ పోస్ట్ పెట్టింది. ‘డియర్ రౌడీ ఫ్యాన్స్.. మీకు అద్భుతమైన థియేటర్ ఎక్స్పీరియన్స్ ఇవ్వడానికి మా టీమ్ ఎంతో శ్రమిస్తున్నది. ప్రస్తుతం శ్రీలంకలో షూటింగ్ జరుగుతున్నది. 60శాతం షూటింగ్ పూర్తయింది కూడా. త్వరలో ఫస్ట్లుక్ విడుదల చేస్తాం. ఆ ఫొటో షేర్ చేయొద్దు ప్లీజ్..’ అంటూ సితార సంస్థ విజ్ఞప్తి చేసింది.