Vijay Devarakonda | అర్జున్ రెడ్డి, గీతా గోవిందం, మహానటి, వంటి చిత్రాలతో యూత్లో మంచి క్రేజ్ను సంపాదించుకున్నాడు టాలీవుడ్ నటుడు విజయ్ దేవరకొండ. అయితే ఈ రౌడీ హీరోకి గత కొంత కాలంగా కలిసిరావడం లేదు. ఈ మధ్యకాలంలో విజయ్ నటించిన లైగర్ సినిమా డిజాస్టర్ అవ్వడంతో పాటు చాలా విమర్శలు అందుకుంది. ఆ తరువాత వచ్చిన ఖుషితో పాటు ఫ్యామిలీ స్టార్ సినిమాలు ఫ్లాప్ అందుకున్నాయి.
అయితే ప్రస్తుతం విజయ్ దేవరకొండ కథానాయకుడిగా గౌతమ్ తిన్ననూరి దర్శకత్వంలో ఓ సినిమా రూపొందుతున్న విషయం తెలిసిందే. వీడి12 గా వస్తున్న ఈ సినిమాను సితార ఎంటర్టైన్మెంట్స్ బ్యానర్ నిర్మిస్తుంది. ఈ చిత్రంలో విజయ్ దేవర కొండ గూఢాచారిగా నటిస్తున్నట్లు సమాచారం.
ఈ చిత్రంలోని పాత్ర కోసం అతడు మేకోవర్ అయిన లుక్ ఒకటి సోషల్ మీడియాలో వైరల్ అవుతుంది. ఆ లుక్లో విజయ్ దేవరకొండ చాలా షార్ట్ హెయిర్తో గడ్డం కూడా పూర్తిగా ట్రిమ్ చేసి ఉన్నాడు. సోషల్ మీడియాలో రివీల్ అయిన అతని లుక్ చూసి ఆశ్చర్యానికి గురయ్యారు. అసలు ఆ లుక్ని లీక్ చేసింది ఎవరా.. అని? చిత్రబృందం విచారణ జరుపుతుంది. అయితే ఈ చిత్రానికి సంబంధించిన షూటింగ్ ప్రస్తుతం శ్రీలంకలో జరుగుతుంది. దీంతో అక్కడి నుంచే ఈ లుక్ లీక్ అయ్యినట్లు సమాచారం. ఇక సినిమా యూనిట్ ఈ విజయ్ దేవరకొండ లుక్ లీక్ అయిన వెంటనే సోషల్ మీడియా నుండి తొలగించే ప్రయత్నం చేసింది. విజయ్ దేవరకొండ లుక్ లీక్ అయ్యిందా? లేక కావాలనే లీక్ చేస్తున్నారా.. అంటూ కామెంట్స్ వస్తున్నాయి.
Also read..